24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Լիտվան ռուսական «Վագներ» խմբավորումն ահաբեկչական կազմակերպություն է ճանաչել
Քաղաքականություն
14.03.2023 | 19:50
Լիտայի Սեյմը միաձայն որոշմամբ ռուսական «Վագներ» զինված խմբավորումը ճանաչել է ահաբեկչական կազմակերպություն, գրում է DW-ի ռուսական ծառայությունը։
Խորհրդարանի ընդունած բանաձևը վարձկաններին մեղադրում է Ուկրաինայում «ագրեսիայի համակարգված ծանր հանցագործությունների մեջ»։
«Ռուս զինծառայողները և «Վագներ» մասնավոր ռազմական ընկերության վարձկանները, ակտիվորեն մասնակցելով ագրեսորի կողմից ռազմական գործողություններին, իրականացնում են ագրեսիայի համակարգված, ծանր հանցագործություններ՝ Ուկրաինայի խաղաղ բնակչության սպանություններ և խոշտանգումներ, բնակելի շենքերի և այլ քաղաքացիական օբյեկտների ռմբակոծում, ինչը հավասարեցվում է ահաբեկչությանը»,- ասվում է բանաձևում։
Նշվում է, որ «Վագների» վարձկանները ՌԴ կառավարությունից ստանում են ռազմական տեխնիկա ու զինամթերք, պատրաստություն անցնում ՊՆ կառույցներում և վտանգ են ներկայացնում պետական և հասարակական անվտանգության համար։
Լիտվայի պատգամավորները կոչ են արել այլ երկրների խորհրդարաններին ևս «Վագները» ահաբեկչական կազմակերպություն ճանաչել։
Էմմա Չոբանյան
