07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
ԵՄ դրոշը պատշաճ կերպով կվերադառնա Վրաստանի խորհրդարանի առջև․ Պապուաշվիլի
Քաղաքականություն
14.03.2023 | 22:41
«ԵՄ դրոշը պատշաճ կերպով պատվով կվերադառնա խորհրդարանի առջև»,- հայտարարել է Վրաստանի խորհրդարանի նախագահ Շալվա Պապուաշվիլին, գրում է Գրուզիա օնլայնը։
Նրա խոսքով՝ ԵՄ դրոշը պղծելու հետ կապված անձը կբացահայտվի և կպատժվի վարչական կարգով։
«Ես ցանկանում եմ մեկնաբանել խորհրդարանի շենքի առջև ԵՄ դրոշի պղծումը։ Դուք գիտեք, որ մեր խորհրդարանը պատժելի է դարձրել Եվրամիության և այլ երկրների դրոշների պղծումը, որոնք բարձրացված են վարչական շենքերի դիմաց։ Հնչել է նաև ՆԳՆ հայտարարությունն այն մասին, որ նա, ով պղծում է ԵՄ դրոշը, կբացահայտվի ու կպատժվի վարչական կարգով։ Տխրեցնող է այն, ինչ մենք տեսնում ենք։ Ծայրահեղականությունը ծայրահեղականություն է ծնում։ Նման վարքագիծն անթույլատրելի է՝ ում կողմից էլ այն դրսևորվի»,- հայտարարել է Շալվա Պապուաշվիլին։
Հիշեցնենք, որ Վրաստանի խորհրդարանի դիմաց ռուսամետ «Ալտ-Ինֆո» կազմակերպության կողմից անցկացված ակցիայի մասնակիցները հանել են շենքի մոտ տեղադրված Եվրամիության դրոշն ու այրել այն։
Տաթև Ֆռանգյան
