17.05.2026 | 14:50
«Հայաստան» դաշինքի անդամները՝ Ռոբերտ Քոչարյանի գլխավորությամբ, Չարենցավանում են․ ՈւՂԻՂ
Տարածաշրջանային անվտանգության հարցերի քննարկման համար Բաքվում է ԱՄՆ Եվրոպական հրամանատարության բրիգադի գեներալը
Քաղաքականություն
14.03.2023 | 22:00
Մարտի 14-ին Ադրբեջան է ժամանել ԱՄՆ Եվրոպական հրամանատարության պլանավորման ռազմավարության գծով փոխտնօրեն, բրիգադային գեներալ Էդվարդ Վոանը։ Այս մասին գրում են ադրբեջանական լրատվամիջոցները՝ վկայակոչելով Բաքվում ԱՄՆ դեսպանատանը։
Նշվում է, որ Վոանը երկօրյա այցի ընթացքում հանդիպումներ է անցկացնելու Ադրբեջանի ՊՆ-ի, ԱԻՆ-ի, Պետական սահմանապահ ծառայության, ականազերծման գործակալության ներկայացուցիչների հետ։
«Բրիգադային գեներալ Վոանը կքննարկի ամերիկա-ադրբեջանական անվտանգության գործընկերությունը և տարածաշրջանային անվտանգության հարցեր»,- ասվում է հաղորդագրության մեջ։
Ի դեպ, ամերիկացի գեներալն արդեն հանդիպել է Ադրբեջանի ԳՇ պետ Քերիմ Վելիևին։
Ադրբեջանի ՊՆ-ի հաղորդմամբ՝ կողմերը մտքերի հանգամանալից փոխանակում են անցկացրել Ադրբեջանի և ԱՄՆ-ի միջև ռազմական համագործակցության հեռանկարների և տարածաշրջանային անվտանգության հարցերի շուրջ։
Էմմա Չոբանյան
