14.12.2024 | 19:57
Ինչ իրավիճակ է ճանապարհներին 19։35-ի դրությամբ
ԱՄՆ-ը, Մեծ Բրիտանիան և Ավստրալիան համատեղ միջուկային սուզանավեր կարտադրեն
Քաղաքականություն
14.03.2023 | 22:59
ԱՄՆ-ի, Մեծ Բրիտանիայի և Ավստրալիայի առաջնորդները մանրամասն մշակել են Ավստրալիային միջուկային սուզանավերով ապահովելու պլանները՝ տարածաշրջանում Չինաստանի հավակնությունները զսպելու համար, գրում է VOA-ն։
Կալիֆորնիայի Սան Դիեգո քաղաքում ԱՄՆ ռազմածովային ուժերի բազայում համապատասխան համաձայնագիր են կնքել AUKUS-ի անդամները՝ ԱՄՆ նախագահ Ջո Բայդենը, Ավստրալիայի վարչապետ Էնթոնի Ալբանեզը և Մեծ Բրիտանիայի վարչապետ Ռիշի Սունակը։
Բայդենն այս նախագիծն անվանել է ԱՄՆ-ի ամենահուսալի գործընկերների հետ Հնդկա-խաղաղօվկիանոսյան տարածաշրջանի բաց ու ազատ լինելն ապահովելու պարտավորության մի մաս։
Սունակն իր հերթին նախագիծն անվանել է «հզոր գործընկերություն»՝ հավելելով․ «Առաջին անգամ սա կնշանակի, որ երեք ստորջրյա նավատորմերը, Խաղաղ և Ատլանտյան օվկիանոսներում գործելով միասին, կապահովեն մեր օվկիանոսների ազատությունը»։
Ըստ համաձայնագրի՝ ԱՄՆ-ն Ավստրալիային կմատակարարի միջուկային ուժային սրաքավորումներով հագեցած Virginia դասի երեք հարվածային սուզանավ, որոնք կարտադրվեն General Dynamics ընկերության կողմից հաջորդ տասնամյակի սկզբում։ Ավստրալիան նաև հնարավորություն կստանա ևս երկու սուզանավ ձեռքբերել։
Մեծ Բրիտանիան ու Ավստրալիան նաև բրիտանական ծրագրի հիման վրա և ամերիկյան ժամանակակից տեխնոլոգիաների կիրառմամբ կսկսեն արտադրել նոր դասի սուզանավեր՝ իրենց կարիքների համար։ Նախատեսվում է, որ Մեծ Բրիտանիան իր առաջին նման սուզանավը կստանա 2030-ականների վերջին, իսկ Ավստրալիան՝ 2040-ականների սկզբին։
Տաթև Ֆռանգյան
