19.12.2025 | 18:15
Սարմեն Բաղդասարյանը նշանակվել է Լիբանանում ՀՀ դեսպան
Սվետլանա Տիխանովսկայան Լուկաշենկոյին անվանել է Ուկրաինայի դեմ պատերազմի «մեղսակից»
Քաղաքականություն
13.03.2023 | 21:58
Բելառուսի ընդդիմության առաջնորդ Սվետլանա Տիխանովսկայան Ալեքսանդր Լուկաշենկոյին անվանել է Ուկրաինայի դեմ ագրեսիվ պատերազմում Կրեմլի «մեղսակից»։
«Նա կատարում է Պուտինի բոլոր հրամանները»,- ասել է նա Deutschlandfunk ռադիոկայանին՝ հավելելով, որ Ուկրաինայի վրա հարձակումները հնարավոր չէին լինի առանց Բելառուսի կառավարչի համաձայնության, փոխանցում է DW-ի ռուսական ծառայությունը։
Ըստ Տիխանովսկայայի՝ Լուկաշենկոն մաս-մաս «վաճառում է իր երկրի անկախությունը»։
«Մենք Ռուսաստանի կողմից օկուպացիան տեսնում ենք ոչ միայն ռազմական առումով, այլև նրանք գրավում են Բելառուսի ԶԼՄ-ները՝ ֆինանսական առումով։ Միակ բանը, որ այսօր դեռևս վերահսկում է Լուկաշենկոն Բելառուսի ներսում, բռնաճնշումներն են»,- նշել է Բելառուսի նախագահի նախկին թեկնածուն։
Տաթև Ֆռանգյան
