27.06.2026 | 15:37
Փամբակ գետում մեքենա և դի են հայտնաբերվել․ փրկարարները որոնում են երկրորդ անձին
Թուրքիայում քաղծառայողներին ստիպել են երկրաշարժից տուժած Հաթայում ներկա գտնվել Էրդողանի ելույթին
Քաղաքականություն
13.03.2023 | 23:10
Թուրքիայի նախագահ Ռեջեփ Թայիփ Էրդողանը և նրա դաշնակից «Ազգայնական շարժում» կուսակցության (MHP) առաջնորդ Դևլեթ Բահչելին մարտի 12-ին գնացել էին երկրաշարժից տուժած Հաթայի հարավային Քըրըքհան շրջան։ Այնտեղ վրանային ճամբար այցելելուց հետո նրանք մարզադաշտում հավաք են անցկացրել, գրում է Duvar-ը։
Պարզվում է, որ Քըրըքհանի նահանգապետարանը հրահանգել է շրջանի հանրային ծառայողներին մասնակցել այս հանրահավաքին՝ նրանց ուղարկելով «Պր. նահանգապետը ձեզ հանձնարարում է ժամը 12.30-ին լինել Քըրըքհանի մարզադաշտում» հաղորդագրություններ։
Երկրաշարժից տուժած քաղաքացիներին դիմելիս Էրդողանը ևս մեկ անգամ խնդրել է նրանց «ներողամտությունը փետրվարի 6-ի խոշոր երկրաշարժերից հետո կառավարության ոչ համարժեք արձագանքի համար»։
«Մենք հազարավոր բեռնատարներ ենք ուղարկել տարածաշրջան՝ հոգալու համար անհապաղ սննդի կարիքները։ Մենք նախարարներին անմիջապես ուղարկել ենք այստեղ։ Չնայած մենք ամեն ջանք ենք ցուցաբերում, եթե դուք դեռ խնդիրներ եք ունեցել, ձեզանից ներողություն պետք է խնդրենք»,- ասել է Էրդողանը։
Էմմա Չոբանյան
