17.05.2026 | 12:40
ՄԻՊ-ը խիստ մտահոգիչ է համարում «Նուբարաշենի» հոգեբուժարանում արձանագրված ինքնասպանության դեպքը
Թուրքիայում երկրաշարժերի հետ կապված կալանավորվածների թիվը հասել է 279-ի
Քաղաքականություն
13.03.2023 | 22:20
Թուրքիայում փետրվարի 6-ին տեղի ունեցած երկրաշարժերի հետևանքով կալանավորվածների թիվը հասել է 279-ի, գրում է Bianet-ը։
Նշվում է, որ կալանավորվածներից 99-ը կապալառուներ են, 149-ը՝ շենքերի հսկողության աշխատակիցներ, 13-ը՝ շինությունների սեփականատերեր, 18-ը՝ շենքերի ապօրինի փոփոխություններ կատարողները: Բացի այդ, 250 անձի կալանավորման և 95 անձի ձերբակալման որոշումներ կան։
Հաղորդվում է, որ երկու հոգի դեռևս բանտարկված է, 50 կասկածյալ մահացած է հայտնաբերվել, իսկ 22 կասկածյալներ արտերկրում են։ Ցուցմունք տալուց հետո ազատ է արձակվել 103 մարդ։
Հիշեցնենք, որ երկրաշարժերից տուժել են Թուրքիայի հարավային և հարավ-արևելյան 11 նահանգներ, ինչպես նաև Սիրիայի հյուսիսային հատվածները։
Զոհերի թիվը Թուրքիայում գերազանցում է 48,000-ը, շուրջ երկու 2 մլն մարդ լքել են իրենց տները։
Էմմա Չոբանյան
