15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Բաքուն Թեհրանի գործողությունները որակում է որպես «սադրանք»
Քաղաքականություն
11.03.2023 | 17:41
Ադրբեջանում Իրանի դեսպան Սեյեդ Աբբաս Մուսավին շաբաթ օրը կանչվել է Ադրբեջանի ԱԳՆ, նրան բողոքի նոտա է հանձնվել Ադրբեջանի սահմանների մոտ իրանական ռազմական ինքնաթիռի թռիչքի կապակցությամբ, պաշտոնական Բաքուն Թեհրանի գործողությունները որակում է որպես սադրանք:
«2023 թվականի մարտի 11-ին Իրանի Իսլամական Հանրապետությանը պատկանող ռազմական ինքնաթիռը ադրբեջանա-իրանական պետական սահմանի երկայնքով 09:44-ից մինչև 10:26-ն անդադար թռչում էր Զանգելանի շրջանից (Կովսական) դեպի Բիլասուվարի շրջան և հակառակ ուղղությամբ։ Ինքնաթիռը թռչում էր պետական սահմանից 3-5 կմ հեռավորության վրա, իսկ որոշ դեպքերում նաև պետական սահմանի վրայով», – ասվում է Ադրբեջանի ԱԳՆ-ի և պաշտպանության նախարարության համատեղ հայտարարության մեջ։
Գերատեսչությունները նշում են, որ Իրանի ռազմական ինքնաթիռի նման մոտեցումն Ադրբեջանի պետական սահմանին և սահմանի վրայով թռիչքը սպառնում է քաղաքացիական ավիացիայի անվտանգությանը և վատթարացնում է երկու երկրների միջև հարաբերությունները:
Գերատեսչությունների համատեղ հայտարարության մեջ ընդգծվում է, որ ռազմական ինքնաթիռի թռիչքը «սադրանք է և ոչ բարեկամական վարքագիծ Ադրբեջանի նկատմամբ»:
«Խստորեն դատապարտում ենք իրանական կողմին նման սադրիչ քայլի համար, կոչ ենք անում համապատասխան պարզաբանումներ տալ և ապագայում զերծ մնալ նման սադրիչ քայլերից։ Մարտի 11-ին Ադրբեջանում Իրանի դեսպան Սեյեդ Աբբաս Մուսավին կանչվել է ԱԳՆ և նրան համապատասխան բողոքի նոտա է հանձնվել»,- ընդգծում են ԱԳՆ-ն և ՊՆ-ն:
