26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Ամերիկացի գեներալը հերքել է թուրք պաշտոնյաների հայտարարությունը
20.06.2018 | 23:00
Ամերիկացի գնդապետ Շոն Ռայանը «Ամերիկայի ձայն» ռադիոկայանին տված հարցազրույցում խոսել է Սիրիայի քրդական ուժերի վերահսկողության տակ գտնվող Մանբիչի մատույցներին մոտեցած Թուրքիայի զինված ուժերի մասին:
Լրագրողները ամերիկացի գեներալից հետաքրքրվել են, թե արդյոք թուրք զինվորները կմտնեն Մանբիչ թե ոչ, և արդյոք կա նման պայմանավորվածություն Թուրքիայի և ԱՄՆ-ի միջև: Ի պատասխան դրան, Ռայանը նշել է.
«Առայժմ վերջնական որոշում չկա, բայց նախնական մեզ ասել են, որ Մանբիչ չեն մտնի»:
Ամերիկացի գեներալը խուսափել է պատասխանել այն հարցին, թե արդյոք Թուրքիայի կողմից ահաբեկչական համարվող Սիրիայի քրդական ուժերը դուրս կգան Մանբիչից, թե ոչ:
«Պատերազմի ժամանակ 100 տոկոսանոց երաշխիքներ չկան: Ձեզ կարող եմ ասել միայն հետևյալը. ԱՄՆ-ն և Թուրքիան աշխատելու են նախկինում քննարկած հարցերի շրջանակներում և այս պահին մեր նպատակն է պահպանել Մանբիչի խաղաղությունը և կայունությունը»:
Հիշեցնենք, որ մի քանի օր առաջ թուրք բարձրաստիճան պաշտոնյաները պնդեցին, որ իրենք ոչ միայն մոտենալու են Մանբիչի մատույցներին, այլև մտնելու են քաղաք: Ըստ թուրքական կողմի` ԱՄՆ-ն և Թուրքիան պայմանավորվել էին, որ քրդերը դուրս են գալու Մանբիչից, իսկ ԻՊ-ի դեմ պայքարելու համար վերջիններիս տրամադրված զինամթերքը ետ է վերցվելու նրանցից:
