24.02.2026 | 23:39
Հայաստանի մի շարք հասցեներում էլեկտրաէներգիայի անջատումներ կլինեն
ՎԶԵԲ-ը երկրաշարժից տուժած Թուրքիայի շրջաններում 1,5 մլրդ եվրո կներդնի
Քաղաքականություն
09.03.2023 | 21:35
Վերակառուցման և զարգացման եվրոպական բանկը (ՎԶԵԲ) հայտարարել է, որ առաջիկա երկու տարվա ընթացքում մինչև 1,5 միլիարդ եվրո (1,6 միլիարդ դոլար) կներդնի երկրաշարժից տուժած Թուրքիայի շրջաններում։ Այս մասին հաղորդում է Agence France-Presse-ը, որին վկայակոչում է Turkish Minute-ը։
ՎԶԵԲ-ի հայտարարության մեջ նշվում է, որ բանկի պատասխանը ներառում է «600 միլիոն եվրո վարկային գիծ տեղական բանկերին՝ ձեռնարկությունների և անհատների համար, որոնք անմիջականորեն տուժել են երկրաշարժերից»:
Բանկի գործադիր տնօրեն Արվիդ Թուերքներն ասել է, որ պատրաստ են աջակցել Թուրքիայի «մասնավոր հատվածին վերականգնման և վերակառուցման գործում»:
Հավելենք, որ փետրվարի 6-ին Թուրքիայում տեղի ունեցած ավերիչ երկրաշարժերի վնասը ՄԱԿ-ը գնահատել է ավելի քան 100 մլրդ դոլար, Համաշխարհային բանկը՝ 34 մլրդ դոլար։
Էմմա Չոբանյան
