08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
3D տպիչով տպագրված առաջին հրթիռը պատրաստ է տիեզերք արձակման
Քաղաքականություն
08.03.2023 | 23:18
Ֆլորիդայի Քեյփ Կանավերալ տիեզերակայանի արձակման հարթակում տեղադրված է և պատրաստ է փորձնական արձակման Terran-1 հրթիռը, որը ստեղծվել է ամերիկյան Relativity Space ընկերության կողմից: Այն պատմության մեջ առաջին կրիչ-հրթիռն է, որը գրեթե ամբողջությամբ պատրաստված է 3D տպագրությամբ, գրում է BBC-ի ռուսական ծառայությունը:
Ընկերության հայտարարության մեջ ասվում է, որ Terran-1-ը «ամենամեծ 3D տպիչով տպագրված օբյեկտն է, որը կփորձի ուղեծրով թռիչք կատարել»:
Գործարկումը հնարավոր է լինելու վերահսկվել իրական ժամանակում: YouTube-ի ուղիղ հեռարձակումը կսկսվի տեղական ժամանակով կեսօրին (1700 GMT, 2000 UTC):
Հրթիռի երկարությունը մոտ 35 մետր է, ինչն այն դարձնում է ոլորտի ամենափոքր ուղեծրային հրթիռներից մեկը: Այնուամենայնիվ, Terran-1-ի և նմանատիպ այլ սարքերի հիմնական տարբերությունն այն է, որ հրթիռի ծավալի 85%-ը կազմված է մասերից և բաղադրիչներից, որոնք ամբողջությամբ տպագրված են 3D տպիչով:
Տաթև Ֆռանգյան
