19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Էրդողանի կուսակցությունը նոր քայլեր է ձեռնարկելու՝ քրդերի ձայները հետ բերելու համար
Քաղաքականություն
08.03.2023 | 22:45
Թուրքիայի նախագահ Ռեջեփ Թայիփ Էրդողանի ղեկավարած իշխող «Արդարություն և զարգացում» կուսակցությանը մոտ կանգնած աղբյուրները հայտնել են, որ իշխող դաշինքը կարող է նոր քայլեր ձեռնարկել՝ քուրդ ընտրողների աջակցությունը մեծացնելու համար։ Այս մասին հայտնում է թուրքական Milliyet պարբերականը, որին վկայակոչում է Gercek News-ը։
ԱԶԿ-ից բարձրաստիճան անձնակազմն ասել է, որ «Ազգային դաշինքի» նկատմամբ HDP-ի՝ Ժողովուրդների դեմոկրատական կուսակցության վերաբերմունքին պետք է ուշադիր հետևել մինչև ընտրությունները։
Քրդամետ HDP-ն իր ձայների 10-12%-ով համարվում է գալիք ընտրությունների գլխավոր դերակատարից մեկը։
«Մենք պետք է շատ ուշադիր լսենք տարածաշրջանի պատգամավորներին և հետ վերադարձնենք քրդերին։ Մենք պետք է ճիշտ անուններ առաջադրենք որպես տարածաշրջանի պատգամավորներ, խուսափենք թյուրիմացություններից և շեղենք այն դիսկուրսը, որն ուղղակիորեն HDP-ն ասոցացնում է PKK-ի հետ»,- ասել է ԱԶԿ-ի բարձրաստիճան պաշտոնյան։
Հավելենք, որ իսկ մինչ այդ՝ Թուրքիայի Սահմանադրական դատարանը քննում է քուրդ զինյալների հետ ենթադրյալ կապերի պատճառով HDP-ն փակելու գործը, որը կուսակցությունը հերքում է։ Քարոզարշավում Էրդողանը, հավանաբար, խաղալու է ենթադրյալ կապերի և HDP-ի ընդդիմադիր դերի շեշտադրման վրա։ Դատավճռի կայացման ժամկետը պարզ չէ, սակայն դատարանն ավելի վաղ մերժել էր HDP-ի խնդրանքը՝ ընտրություններից հետո որոշումը հետաձգելու մասին: Արդեն սառեցվել են նաև կուսակցության բանկային հաշիվները։
Էմմա Չոբանյան
