26.07.2026 | 11:50
Հրաձգության Հայաստանի հավաքականը հաղթել է շարժվող թիրախ մրցաձևի աշխարհի առաջնության մեդալային հաշվարկում
Ադրբեջանում խոշոր վթարի է ենթարկվել ֆուտբոլային ակումբներից մեկի ավտոբուսը․ կան տուժածներ
Քաղաքականություն
07.03.2023 | 23:07
Ադրբեջանում «Մինգեչևիր» ֆուտբոլային ակումբի ավտոբուսը վթարի է ենթարկվել, գրում են տեղական լրատվամիջոցները։
Վթարը տեղի է ունեցել այն ժամանակ, երբ ավտոբուսը մեկնում էր Շամախի՝ 1-ին դիվիզիոնի 20-րդ տուրում «Շամախի 2» ակումբի հետ արտագնա խաղի համար։ Վթարի պատճառով այսօր նախատեսված «Շամախի 2»-«Մինգեչևիր» հանդիպումը հետաձգվել է։ Խաղի օրը կհայտարարվի ավելի ուշ։
Հաղորդվում է, որ տուժածներ կան ֆուտբոլիստների և ակումբի ղեկավարության կազմում։ Տուժել են նաև ավտոբուսի ու բեռնատարի վարորդները։
Ֆուտբոլային ակումբի մամուլի ծառայության ղեկավարը լրատվամիջոցներին հայտնել է, որ ծանր վնասվածքներ է ստացել մարզական տնօրեն Զաուր Գարաևը։
«Թիմը տեղափոխող տրանսպորտային միջոցը բախվել է բեռնատարին։ Դա տեղի է ունեցել մառախլապատ եղանակի պատճառով։ Խաղացողներից ոչ ոք լրջորեն չի տուժել, միայն Գարաևն է հոսպիտալացվել»,- ասել են ակումբից՝ հավելելով, որ Գարաևին տեղափոխել են Բաքվի հիվանդանոց։
Էմմա Չոբանյան
