25.11.2024 | 11:51
Սոչի-Անթալիա թռիչքն իրականացնող օդանավը վայէջքի ժամանակ հրդեհվել է
Հայտնի է Թուրքիայի նախագահական ընտրություններում ընդդիմության միասնական թեկնածուի անունը
Քաղաքականություն
06.03.2023 | 22:22
Թուրքիայի ընդդիմադիր դաշինքը, որը հայտնի է որպես «Վեցի սեղան», գլխավոր ընդդիմադիր Ժողովրդահանրապետական կուսակցության (CHP) առաջնորդ Քեմալ Քըլըչդարօղլուին հայտարարել է նախագահի միասնական թեկնածու։ Այս մասին գրում են թուրքական լրատվամիջոցները։
Հայտարարությունը հնչել է վեց առաջնորդների հանդիպումից հետո, որը տեղի է ունեցել մայրաքաղաք Անկարայում գտնվող «Felicity» (Saadet) կուսակցության կենտրոնակայանում:
Հավելենք, որ անցյալ շաբաթ ընդդիմադիր դաշինքը լքած «Լավ» կուսակցության ղեկավար Մերալ Աքշեներն էլ այսօր կրկին միացել է ընդդիմադիրներին՝ աջակցելով Քըլըչդարօղլուի թեկնածությանը։
«Մեր ամենամեծ նպատակը Թուրքիան խաղաղ և ուրախ օրերի բերելն է։ Տա Աստված, մենք միասին կհասնենք դրան։ Որպես Ազգային դաշինք՝ մենք կկառավարենք Թուրքիան կոնսենսուսով և խորհրդակցությամբ: Մենք պայմանավորվել ենք անցնել ուժեղացված խորհրդարանական համակարգի»,-ասել է իր խոսքում Քըլըչդաչօղլուն։
Էմմա Չոբանյան
