11.12.2024 | 21:29
Օրբանը զանգահարել է Պուտինին․ քննարկվել է ուկրաինական հակամարտությունն ու իրավիճակը Սիրիայում
Ստամբուլում ահաբեկչություն կազմակերպելու համար մեղադրվող կնոջն ավելի քան 3000 տարվա ազատազրկում է սպառնում
Քաղաքականություն
06.03.2023 | 22:43
Ստամբուլում ահաբեկչություն կազմակերպելու համար մեղադրվող կնոջը սպառնում է ավելի քան 3000 տարվա ազատազրկում, գրում է Անադոլու գործակալությունը։
Ստամբուլի 13-րդ քրեական դատարանը գործով առաջին նիստերը նշանակել է մայիսի 9-ին, 10-ին և 11-ին, որում մեղադրվում է 36 մարդ, այդ թվում՝ ահաբեկչության հեղինակ Ահլամ ալ-Բաշիրը։
Ավելի վաղ թուրքական ոստիկանությունը ձերբակալել էր ևս ութ մարդու՝ նոյեմբերի 13-ին Ստամբուլի Իսթիքլալ պողոտայում իրականացված ահաբեկչությանը մասնակցության կասկածանքով։
Նշվում է, որ մեղադրյալները կասկածվում են ահաբեկիչներին աջակցելու և նրանց ապաստան տալու մեջ։ Հայտնի է, որ երկու ձերբակալվածներն օգնել են հարձակումն իրականացրած Սիրիայի քաղաքացի Ահլամ ալ-Բաշիրին այդ երկրից ապօրինի մուտք գործել Թուրքիա։
Հիշեցնենք՝ նոյեմբերի 13-ին Ստամբուլի կենտրոնական Իսթիքլալ պողոտայում պայթյուն էր որոտացել։ Թուրքիայի Արդարադատության նախարարությունը հայտարարել էր, որ պատահարն ահաբեկչություն է եղել։ Պայթյունի հետևանքով զոհվել է վեց մարդ, վիրավորվել՝ ավելի քան 80-ը։
Տաթև Ֆռանգյան
