24.02.2026 | 23:39
Հայաստանի մի շարք հասցեներում էլեկտրաէներգիայի անջատումներ կլինեն
Բաքուն` Արցախում դիվերսիոն ներթափանցման հետևանքով կորուստների մասին
Քաղաքականություն
05.03.2023 | 23:30
Արդեն հայտնել էինք, որ այսօր առավոտյան Արցախում դիվերսիոն ներթափանցման հետևանքով ադրբեջանական զինուժը կորուստներ է կրել։ Այդ մասին հաղորդել էր ԱՀ Տեղեկատվական շտաբը։ Պաշտոնական Բաքուն նույնպես ընդունում է կորուստների փաստը։ Մասնավորապես, Ադրբեջանի ՊՆ-ի հաղորդմամբ՝ սպանվել են ադրբեջանական բանակի ավագ լեյտենանտ Ալիբեյլի Շահրիայր Ռամիզ օղլուն (Արցախյան երկրորդ պատերազմի մասնակից է, պարգևատրվել է մեդալնելով) և շարքային Հուսյեյնով Էշգին Ջամիլ օղլուն։ Երկուսն էլ ծառայել են Շուշիում։
Ադրբեջանի ընդդիմադիր գործիչ Թոֆիգ Յուգուբլուն էլ ֆեսյբուքյան իր էջում հայտնել է, որ իրեն հասած տեղեկություններով՝ ադրբեջանական կողմի կորուստներն առնվազն 4-ն են։ Սոցիալական ցանցերի ադրբեջանական տիրույթում էլ տարբեր թվեր են տարածվում Ադրբեջանի կորուստների մասին։
Հիշեցնենք, որ այսօր առավոտյան՝ ժամը 10։00-ի սահմաններում Արցախում ադրբեջանական զինուժի դիվերսիոն խումբը «Խայփալու» կոչվող տեղանքում թիրախավորել և կրակ էր բացել ոստիկանության անձնագրային և վիզաների վարչության անձնակազմի հերթափոխի մեքենայի վրա։ ԱՀ ՆԳՆ ոստիկանության հաղորդմամբ՝ դիվերսիոն ներթափանցման հետևանքով զոհվել է ոստիկանության 3 ծառայող. փոխգնդապետ՝ Արմեն Մայորի Բաբայանը, մայոր՝ Դավիթ Վալերիի Դանիելյանը և լեյտենանտ՝ Արարատ Թելմանի Գասպարյանը: Եվս մեկ ծառայող՝ լեյտենանտ Դավիթ Աշոտի Հովսեփյանը, ստացել է հրազենային վիրավորում և գտնվում է հանրապետական բժշկական կենտրոնում՝ բժիշկների հսկողության տակ:
Էմմա Չոբանյան
