08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ռուսական աղբյուների պնդմամբ՝ հացահատիկային գործարքի երկարաձգման բանակցությունները մտել են փակուղի
Քաղաքականություն
03.03.2023 | 22:49
Հացահատիկային գործարքի երկրաձգման շուրջ բանակցությունները մտել են փակուղի, որոշ հարցեր չի հաջողվում կարգավորել։ Այս մասին ՌԻԱ Նովոստիին հայտնել է իրավիճակին ծանոթ աղբյուրը։
«Թուրքիայի և ՄԱԿ-ի կողմից բանակցային գործընթացը կանգ չի առել, տարբեր նախաձեռնություններ ու տարբերակներ են առաջարկվում, բայց փակուղի է ստեղծվել, երբ պարզ չէ՝ նախաձեռնությունը շարունակություն կունենա՞, թե՞ ոչ, ստացվելո՞ւ են անվտանգության երաշխիքներ ռուսական գյուղմթերքի ու ամոնիակի համաշխարհային շուկաներ դուրսբերման համար։ Անհրաժեշտ է կարճ ժամկետում կարգավորել այդ ամենը»,- ասել է գործակալության զրուցակիցը։
Միաժամանակ, նա չի բացառել, որ բարձր մակարդակի շփումները կարող են նպաստել բանակցությունների առաջընթացին։ Ըստ նրա՝ նման քննարկումներ սպասվում են, անհրաժեշտ է պատրաստել կոնկրետ առաջարկներ։
Նշենք, որ հացահատիկի գործարքի ժամկետը լրանում է մարտի 18-ին։
Հավելենք, որ 2022 թվականի հունիսի 22-ին հացահատիկային գործարքը կնքվել էր Ստամբուլում ՄԱԿ-ի, Ուկրաինայի, ՌԴ-ի ու Թուրքիայի միջև, որը ենթադրում է սևծովյան նավահանգիստներով ուկրաինական հացահատիկի արտահանումը։
Էմմա Չոբանյան
