08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Պատերազմի պատճառով Ուկրաինայում շուրջ 5 մլն հեկտար հողատարածք պիտանի չէ գյուղատնտեսական աշխատանքների համար
Քաղաքականություն
03.03.2023 | 22:42
Ուկրաինայում շուրջ 5 միլիոն հեկտար գյուղատնտեսական նշանակության հողեր ներկայում պիտանի չեն օգտագործման համար՝ պայթուցիկ նյութերի մնացորդներով աղտոտման կամ շարունակվող ռազմական գործողությունների պատճառով: Այս մասին հայտարարել է Գերագույն Ռադայի գյուղատնտեսական հարցերի հանձնաժողովի ղեկավար Ալեքսանդր Գայդուն՝ վկայակոչելով շրջանային ռազմական վարչակազմերի տվյալները, գրում է Koresspondent-ը։
«Օրինակ՝ ձմեռային մշակաբույսերը ցանվել են միայն 4,5 մլն հա տարածքում, թեև անցյալ տարի այդ մշակաբույսերը ցանվել են 7,7 մլն հեկտարի վրա։ Սա ուղղակիորեն ազդում է երկրի պարենային կայունության վրա։ Հետևաբար, այսօր մեր առաջնահերթ խնդիրն է միջազգային գործընկերների օգնությունը, որ պայմաններ ստեղծվեն փոքր և միջին ֆերմերների հողերը ականազերծելու համար, ովքեր չունեն ինքնուրույն դա անելու հնարավորություն»,- ընդգծել է պատգամավորը։
Նա հավելել է, որ ՄԱԿ-ի Պարենի և գյուղատնտեսության կազմակերպության (FAO) ներկայացուցիչները նախատեսում են 2023 թվականին մոտ 50 միլիոն դոլար հատկացնել ականազերծման մեքենայացված սարքավորումներ ձեռք բերելու և նման սարքավորումների օպերատորներին Ուկրաինայի տարածքները մաքրելուն սովորեցնելու համար:
Ավելի վաղ Ուկրաինայի Ագրարային քաղաքականության նախարարությունը հայտնել էր, որ 2023 թվականի վերջին Ուկրաինայում բերքի ֆիզիկական կրճատումը կկազմի 10-15 տոկոս։
Տաթև Ֆռանգյան
