08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ադրբեջանում հացադուլ հայտարարած ակտիվիստը մահացել է դատարանի դահլիճում
Քաղաքականություն
03.03.2023 | 23:03
Ադրբեջանում դատարանի դահլիճում իր դեմ հարուցված գործի քննության ժամանակ մահացել է կրոնական ակտիվիստ Սաբուհի Սալիմովը, գրում են տեղական լրատվամիջոցները։
Նա կալանավորվել էր 2021 թվականի հոկտեմբերին դավաճանության, մասնավորապես, Իրանի օգտին լրտեսության մեղադրանքով։ Սալիմովը կտրականապես հերքել է բոլոր մեղադրանքները։ 2022 թվականի նոյեմբերի 22-ին Բաքվի ծանր հանցագործությունների դատարանը նրան դատապարտել է 17 տարվա ազատազրկման։ 2023 թվականի սկզբին նա հացադուլ էր հայտարարել՝ ի նշան իր դատավճռի դեմ բողոքի։
Մարտի 1-ին՝ 53 օր հացադուլից հետո, Սալիմովը դադարեցրել էր այն առողջության վատթարացման պատճառով։
Մարտի 2-ին Բաքվի վերաքննիչ դատարանում, դատավճիռը ուժի մեջ թողնելու որոշման հրապարակումից հետո, Սալիմովը սկսել է էմոցիոնալ բողոքել, ինչի հետևանքով նրա առողջական վիճակը կտրուկ վատացել է, և նա մահացել է հենց մեղադրյալի խցում։ Ըստ նախնական տեղեկությունների՝ Սալիմովը մահացել է սրտի անբավարարությունից։
Հավելենք, որ իրավապաշտապանների թարմացված տվյալներով՝ Ադրբեջանում այժմ կա 93 քաղբանտարկյալ, որից 29-ը՝ կրոնական ակտիվիստներ։
Էմմա Չոբանյան
