25.11.2024 | 10:44
Տպավորություն է՝ փրկօղակ եք ուզում սարքեք, ասեք՝ անհասկանալի ընկերությունում ներդրում արեք․ Խաչատրյան․ ՏԵՍԱՆՅՈՒԹ
Բայրամովը մարտի վերջին կայցելի Իսրայել՝ բացելու Ադրբեջանի դեսպանատունը
Քաղաքականություն
03.03.2023 | 23:21
Ադրբեջանի ԱԳ նախարար Ջեյհուն Բայրամովը մարտի վերջին այցելելու է Իսրայել, որի ընթացքում մասնակցելու է Թել Ավիվում ադրբեջանական դեսպանատան բացմանը։ Այս մասին գրում են ադրբեջանական լրատվականները։
Հաղորդվում է, որ Բայրամովի այցը տեղի է ունենալու մարտի 29-ին։ Ադրբեջանի ԱԳ նախարարը բանակցություններ է անցկացնելու իսրայելցի իր գործընկեր Էլի Քոհենի, նախագահ Իսահակ Հերցոգի ու վարչապետ Բենիամին Նեթանյահուի հետ։
Հիշեցնենք, որ դեռ նախորդ տարվա նոյեմբերին Ադրբեջանի Միլի Մեջլիսն Իսրայելում դեսպանատուն բացելու որոշում էր ընդունել, որը մեծ ոգևորությամբ էր ընդունվել Իսրայելի իշխանությունների շրջանում։ Ադրբեջանի ԱԳ փոխնախարար Ֆարիզ Ռզաևը 2022 թվականի դեկտեմբերին պաշտոնական այցով Իսրայելում էր՝ վերահսկելու Թել Ավիվում Ադրբեջանի դեսպանատան բացման նախապատրաստական աշխատանքները։
Իսրայելում Ադրբեջանի դեսպան Մուխթար Մամեդովն արդեն սկսել է աշխատանքը։ Նա իր հավատարմագրերի պատճենն է հանձնել Իսրայելի ԱԳՆ-ին։
Էմմա Չոբանյան
