24.02.2026 | 22:04
Եվրոպական առաջնորդները Կիևում համատեղ աղոթքի են մասանակցել
Թուրքիայի ընդդիմադիր դաշինքը գերազանցում է Էրդողանի կոալիցիային․ նոր սոցհարցում
Քաղաքականություն
02.03.2023 | 22:15
Թուրքիայի 45 նահանգներում անցկացված հարցումը, որին մասնակցել է շուրջ 5,000 մարդ, ցույց է տվել, որ ընտրողների աջակցությունն ընդդիմադիր կուսակցությունների Ազգային դաշինքին շատ ավելի մեծ է, քան իշխանական Ժողովրդական դաշինքին («Արդարություն և զարգացում» ու «Ազգայնական շարժում» կուսակցություններ) գրում է Gercek News-ը։
ORC-ի վերջին հարցումը ցույց է տվել, որ Թուրքիայի իշխող «Արդարություն և զարգացում» կուսակցությանն ընտրողների աջակցությունը նվազել է 30%-ից: Հարցումը, որն անցկացվել է 4,720 հարցվածների հետ 45 նահանգներում, ցույց է տվել երկրաշարժի ազդեցությունն ընտրողների դիրքորոշման վրա:
Երբ մասնակիցներին հարցրել են՝ «Ո՞ր կուսակցությանը կքվեարկեիք, եթե այս կիրակի համապետական ընտրություններ լինեին», ԱԶԿ-ին աջակցության մասին հայտնել են 29,1%-ից պակաս հարցվածներ։
Բացի այդ՝ հարցումը ներառել է նաև դաշինքների հետ կապված հարց։ Ազգային դաշինքին աջակցությունը հասել է 48,6 տոկոսի, իսկ Ժողովրդական դաշինքինը կազմել է 34,5 տոկոս։
Հարցման համաձայն՝ Ժողովրդահանրապետական կուսակցությունը (CHP) կստանա ձայների 23,5 տոկոսը, «Լավ» կուսակցությունը՝ 19,5 տոկոսը, Ժողովուրդների դեմոկրատական կուսակցությունը (HDP)՝ 8,1 տոկոսը, «Ազգային շարժում» կուսակցությունը (MHP)՝ 5,4 տոկոսը։
Էմմա Չոբանյան
