24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Իրանը տարածաշրջանային սպառնալիքից վերածվում է համաշխարհային խնդրի․ Պենտագոն
Քաղաքականություն
01.03.2023 | 22:13
ԱՄՆ-ը և նրա դաշնակիցները շարժվում են Իրանը որպես գլոբալ սպառնալիք դիտարկելու ուղղությամբ՝ զգուշացնելով, որ Ռուսաստանի հետ դաշինքի ամրապնդումը, այդ թվում՝ Ուկրաինայի հետ պատերազմում օգնությունը նշանակում են, որ Թեհրանի ապակայունացնող գործունեությունն ավելի մեծ վտանգ է ներկայացնում, քան նախկինում, գրում է VOA-ն։
«Մենք հասել ենք այն կետին, երբ Իրանից եկող սպառնալիքները ոչ միայն ազդում են Մերձավոր Արևելքի վրա, այլև գլոբալ խնդիր են»,- լրագրողներին ասել է պաշտպանության նախարարի օգնական Դանա Սթրոուլը։
Նա մատնանշել է Թեհրանի և Մոսկվայի միջև ռազմական համագործակցության ընդլայնումը, մասնավորապես, Իրանի կողմից կամիկաձե անօդաչու թռչող սարքերի մատակարարումը ռուս զինվորականներին։
Պենտագոնի ղեկավարի օգնականը կոչ է արել «համաշխարհային կոալիցիա ստեղծել՝ Իրանի և Ռուսաստանի միջև չարամիտ համագործակցության դեմ պայքարելու համար»:
«Խելամիտ է ենթադրել, որ մարտավարությունը, մեթոդները և ընթացակարգերը, որոնք Իրանն ուսումնասիրում և մշակում է Ուկրաինայում, մի օր կօգտագործվեն Մերձավոր Արևելքում մեր գործընկերների դեմ»,- ասել է նա:
Սթրոուլն ասել է, որ ԱՄՆ-ն ընդլայնում է համագործակցությունը և հետախուզական տվյալների փոխանակումը տարածաշրջանում գործընկերների հետ, որպեսզի պատրաստ լինի դիմակայել այդ սպառնալիքներին:
Տաթև Ֆռանգյան
