20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
ԱՄՆ-ում TikTok-ն արգելվել է պետական սարքավորումներում․ Չինաստանը և իրավապաշտպանները վրդովված են
Քաղաքականություն
28.02.2023 | 22:52
Սպիտակ տունը 30 օր ժամանակ է տվել ԱՄՆ պետական մարմիններին՝ TikTok հավելվածն ամբողջությամբ հեռացնելու բոլոր համակարգիչներից և հեռախոսներից, որոնք օգտագործվում են պետական պաշտոնյաների կողմից: ԱՄՆ Կոնգրեսը պատրաստվում է քննարկել երկրում հավելվածի կիրառումն ամբողջությամբ արգելելու մասին օրինագիծը։ Չինաստանում, որտեղ մշակվել է TikTok-ը, արգելքը չափազանց կտրուկ են համարում, գրում է BBC-ի ռուսական ծառայությունը։
Կառավարական սարքավորումներում TikTok-ի արգելքը Սպիտակ տան կառավարման և բյուջեի գրասենյակի տնօրեն Շալանդա Յանգի նախաձեռնությունն է: Երկուշաբթի հրապարակված հուշագրում ասվում է, որ առաջիկա 30 օրվա ընթացքում TikTok-ը պետք է հեռացվի պետական գերատեսչությունների բոլոր սարքերից, իսկ դրա տեղադրումն արդեն իսկ արգելված է։
Հուշագիրը վերաբերում է ոչ միայն TikTok-ին, այլ նաև ByteDance Limited-ին պատկանող կամ այդ ընկերության կողմից մշակված ցանկացած հաջորդ սերնդի հավելվածի կամ ծառայության: Սա նշանակում է, որ ապագայում չինական TikTok-ը ծրագրավորողի բոլոր հավելվածները ԱՄՆ պետական կառույցներում կարգելվեն։
90 օրվա ընթացքում պետական մարմիններին հանձնարարվել է հրաժարվել բոլոր պայմանագրերից, որոնց կատարման համար անհրաժեշտ է օգտագործել չինական հավելվածը, իսկ հաջորդ 120 օրվա ընթացքում՝ ներմուծել ներքին կանոններ, որպեսզի նման պայմանագրեր այլևս չկնքվեն։
Տաթև Ֆռանգյան
