12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Ֆինլանդիան ցանկապատ է կառուցում Ռուսաստանի հետ սահմանին
Քաղաքականություն
28.02.2023 | 19:23
Ֆինլանդիայում սկսել են ցանկապատ կառուցել Ռուսաստանի Դաշնության հետ սահմանին։ Աշխատանքները սկսվել են Իմատրայում երեք կիլոմետրանոց փորձնական հատվածի վրա։ Այս մասին հայտնում է ֆիննական Yle-ն։
«Աշխատանքները սկսվել են երկուշաբթի՝ Իմատրայի սահմանային անցակետի երկու կողմերում ծառերի հեռացմամբ։ Այստեղ կկառուցվի, այսպես կոչված, փորձնական ցանկապատի երեք կիլոմետրանոց հատված։ Իշխանությունները փորձ կանցկացնեն՝ տեսնելու՝ ցանկապատը կդիմանա՞ ձմռան սառնամանիքները, ձյան ծանրաբեռնվածությունը, նաև կուսումնասիրեն մարդկանց հոսքը, որ կարող է ժամանել արևելքից»,- ասված է հաղորդագրության մեջ։
Մարտին կսկսվի ճանապարհի ու պարսպի կառուցումը, ապա տեխնիկական հսկողության համակարգի ստեղծումը։ Փորձնական պարիսպը պատրաստ կլինի հունիսի վերջին։ Այս աշխատանքները կարժենան վեց միլիոն եվրո։
Տաթև Ֆռանգյան
