26.07.2026 | 12:28
Վթարային ջրանջատում Երևանում և Արարատում
Մենք բոլորս ունենք հոգսեր, բանկերում վարկեր․ մենք մեզ համարում ենք ՀՀ յուրաքանչյուր քաղաքացուց մեկը․ ՔՊ-ական պատգամավոր․ ՏԵՍԱՆՅՈՒԹ
Քաղաքականություն
28.02.2023 | 18:14
«Ընդդիմությունը պարբերաբար մեղադրում է իշխանությանը հասարակության մեջ ատելության մթնոլորտ ու խոսք սերմանելու մեջ, մինչդեռ այդ նույն ընդդիմությունը, նրանց համակիրներն ու գրպանային լրատվամիջոցները երեք օր անդադար անեծքներ ու հայհոյանքներ են հնչեցնում ՀՀ վարչապետի ու նրա ընտանիքի հասցեին»,- այս մասին ԱԺ-ում հայտարարությունների ժամին նշեց «Քաղաքացիական պայմանագիր» խմբակցության պատգամավոր Էմմա Պալյանը՝ հավելելով, որ այս ամենի պատճառն ընդամենը վարչապետի տիկնոջ ֆեյսբուքյան էջում տեղադրված լուսանկարներն են՝ իրենց առօրյայից, և կատարած գրառումը։
«Հասկանալի է, որ ՀՀ ղեկավարների առօրյան տարիներ շարունակ անհասանելի են եղել ՀՀ քաղաքացու համար։
Չմոռանանք, թե 2001թ․ ինչ եղավ Պողոս Պողոսյանի հետ «պրիվետ, Ռոբ» ասելու համար։ Ահա այսպիսի մարդիկ են ղեկավարել մեր երկիրը երկար տարիներ, ղեկավարների այսպիսի կերպարներն են դաջված մարդկանց ուղեղներում։ Դրա համար էլ այսօրվա ղեկավարների հասարակ առօրյան ընդունելի չէ նախկինների ու նրանց արբանյակների համար։
Մենք բոլորս ունենք հոգսեր, բանկերում վարկեր, հարկ եղած դեպքում երթևեկում ենք հասարակական տրանսպորտով, քանի որ մենք մեզ համարում ենք ՀՀ յուրաքանչյուր քաղաքացուց մեկը,- նշեց Պալյանը։
Մանրամասները՝ տեսանյութում։
