21.12.2025 | 21:24
«Ապահովել հավասար մրցակցային պայմաններ». վարչապետը՝ ԵԱՏՄ ներքին շուկայի խոչընդոտների մասին
Հիմա էլ ոստիկանները ՊՆ նախկին շենքի բնակիչների իրերը բնակարաններից դուրս են նետում․ Գառնիկ Դանիելյան․ ՏԵՍԱՆՅՈՒԹ
Հասարակություն
28.02.2023 | 17:56
10 օրից ավելի է ՊՆ նախկին վարչական շենքի բնակիչները հայտնվել են բաց երկնքի տակ։ Այսօր ԱԺ ամբիոնից հայտարարությունների ժամին այս խնդրի մասին բարձրաձայնեց «Հայաստան» խմբակցության պատգամավոր Գառնիկ Դանիելյանը՝ շեշտելով, որ դրսում հայտնված այդ մարդկանց շարքերում կան երեխաներ, կերակրող մայրեր, հաշմանդամություն ունեցող անձինք, տարեցներ, պատերազմի հետևանքով հայրենազրկվածներ, մարտական հերթապահություն իրակնացնող անձանց ընտանիքներ։
«Մեր համառ ջանքերի շնորհիվ է թույլատրվել վրանների տեղադրումը։ Երեկ տեղեկացանք, որ ոստիկանությունը բնակարաններից դուրս է նետում նրանց գույքը, իրերը՝ չսպասելով, որպեսզի կազմակերպվի գույքի պատշաճ տեղափոխումը։ Սա անմարդկային է և անթույլատրելի»,-նշեց Գառնիկ Դանիելյանը։
Պատգամավորը հայտնեց նաև, որ տեղեկություններ ունի, որ մանկահասակ երկու երեխա հոսպիտալացվել է։ «Ո՞վ է պատասխան տալու այդ երեխաների առողջական խնդիրների համար»,- նշեց պատգամավորը՝ ընդգծելով, որ սառնասիրտ վերաբերմունքն անթույլատրելի է համարում։
ԱԺ նախագահ Ալեն Սիմոնյանը, դիմելով պատգամավորին, հորդորեց իրեն փոխանցել այն տեղեկությունը, ըստ որի՝ երկու երեխայի առողջական վիճակի վատթարացում է տեղի ունեցել․ «Փոխանցեք, եթե կարողանանք, մենք էլ ինչ-որ բանով կաջակցենք»։
Մանրամասները՝ տեսանյութում։
