21.12.2025 | 18:21
Իրավիճակը ՀՀ ավտոճանապարհներին՝ 17։30-ի դրությամբ
Սիմոնյանը` ՌԴ «ջղաձգումների» և Վարդանյանի ազատման մասին. դատախազներն էլ ատեստավորում կանցնեն. Լուրեր
Քաղաքականություն
28.02.2023 | 17:47
- ԱԺ նախագահ Ալեն Սիմոնյանն այսօր հայտարարել է, թե, մեջբերում եմ, մի քիչ ավել եմ համարում Մոսկվայի ջղաձգումներն ու նյարդային արձագանքները, որոնք տեղի են ունենում, երբ որևէ այլ կողմ փորձում է որևէ դրական բան անել:
Ըստ Սիմոնյանի` պետք է մի քիչ ավելի հանգիստ, զսպված լինեն, պետք է հասկանան իրավիճակը, հասկանան, որ Հայաստանն իր շահերն ունի, իր անվտանգության խնդիրն ունի, որը պետք է ապահովի՝ ի հեճուկս աշխարհաքաղաքական որևէ ելևէջի կամ որևէ մեկի ցանկության կամ խանդի։ - Սիմոնյանը նաև պնդել է, թե չգիտի՝ ինչ դրդապատճառներով է Արցախի նախագահը նշանակել Ռուբեն Վարդանյանին և թե ինչ դրդապատճառներով է ազատվել: Սիմոնյանը պնդել է, թե Հայաստանի իշխանությունները որևէ մասնակցություն չեն ունեցել ո՛չ նշանակման, ո՛չ ազատման հարցում, և որևէ հետաքրքրություն չունեն այդ հարցում։
- ԱԺ-ում քննարկման է ներկայացվել արդարադատության նախագիծը, որով օրենքի փոփոխության արդյունքում դատախազներին կվճարվի ամսական հավելում՝ պաշտոնային դրույքաչափի 92 տոկոսի չափով։ Արդարադատության նախարարի տեղակալ Լևոն Բալյանը նախագիծը ներկայացնելիս ասել է, որ նախատեսվում է ատեստավորում անել դատախազական համակարգի, բայց աշխատավարձի բարձրացումը պայմանավորված չէ ատեստավորումն անցնելով, ատեստավորումն իրականացվելու է զբաղեցրած պաշտոնին համապատասխան լինել-չլինելու տրամաբանությամբ։
Այս ժամի լուրերը՝ տեսանյութում։
