05.11.2024 | 13:29
Քննարկվել է «Մասդար»-ի նախագծում Հայաստանի կառավարությանը 15 % բաժնեմասի փոխանցումը
Մոսկվայի մարզի իշխանությունները հաստատել են Կոլոմնայի շրջանում ԱԹՍ-ի ընկնելու մասին տեղեկությունը
Քաղաքականություն
28.02.2023 | 17:38
Մոսկվայի մարզի նահանգապետ Անդրեյ Վորոբյովը հաստատել է ռուսական Telegram ալիքներում ավելի վաղ հայտնված հաղորդագրությունները, որ Կոլոմնայի շրջանում գազի կոմպրեսորային կայանի մոտ անօդաչու թռչող սարք է վթարի ենթարկվել, փոխանցում է DW-ի ռուսական ծառայությունը։
«Դա տեղի է ունեցել Գուբաստովո գյուղի մոտ, թիրախը, հավանաբար, եղել է քաղաքացիական ենթակառուցվածքը, այն չի տուժել: Զոհեր կամ ավերածություններ չկան»,- գրել է Վորոբյովը Telegram-ի իր ալիքում։
Պաշտոնյայի խոսքով՝ ԱԴԾ-ն և իրավասու այլ մարմիններ հետաքննում են իրավիճակը, բնակիչների անվտանգությանը ոչինչ չի սպառնում։
Ավելի վաղ Shot և Mash Telegram ալիքները հայտնել էին, որ կործանված անօդաչու թռչող սարքը հայտնաբերվել է «Գազպրոմ»-ին պատկանող գազային կոմպրեսորային կայանից մի քանի մետր հեռավորության վրա։ Ռուսաստանի ՊՆ-ն դեռևս չի մեկնաբանել այս տեղեկությունը։
Տաթև Ֆռանգյան
