16.08.2026 | 13:09
Ուկրաինան անօդաչուներով զանգվածային հարված է հասցրել Մոսկվային և Մոսկվայի մարզին
Ինչ ուզում եք՝ արեք, բայց պատգամավորին պետական գաղտնիք իմանալու իրավունքից չեք կարող զրկել. Ռուստամյան
Քաղաքականություն
28.02.2023 | 17:14
Ոչ ոք իրավունք չունի պատգամավորին զրկել իր պարտավորություններն ու իրավունքներն իրացնելու սրբազան գործունեությունից։ Պատգամավորը չի կարող զրկվել ԱԺ նիստերին մասնակցելու հնարավորությունից, բայց մենք իրեն զրկում ենք, որովհետև ինքն այդ թույլատվությունը չունի. ո՞վ է այդ իրավունքը տվել` գլխավոր սահմանադրական իրավունքից պատգամավորին զրկել։ Այս մասին ԱԺ ամբիոնից հայտարարեց «Հայաստան» խմբակցության պատգամավոր Արմեն Ռուստամյանը։
«Այս շփոթը պետք է վերացվի, չի կարող սա երկար շարունակվել, չի թույլատրվում նաև քվեարկել։ Այսինքն` որոշումներ կայացնելու հիմնական լեգիտիմությունը պատգամավորի քվեարկությունն է, մենք թույլ չենք տալիս, որ պատգամավորը քվեարկի։ Ինչ-որ հարց ենք քննարկում, փակ ենք համարում նիստը, պատգամավորներ կան, որ չունեն այդ իրավունքը և դուրս են գալիս այդ նիստից, իրավունք էլ չունեն քվեարկելու։
ԱԺ կանոնակարգում գրեք այդ բացառությունները, որ նիստերին չեն կարող մասնակցել այս – այս դեպքերում։ Այդ պարագայում ԱԺ կանոնակարգը դուք թերի եք փոխել, փոխե’ք ամբողջությամբ, որ մենք հասկանանք, որ կան 2 կարգի պատգամավորներ։ Եթե դուք դա գրեք, մենք անպայման կդիմենք ՍԴ և կստանանք շատ հստակ պարզաբանում, որ սա պատգամավորի սրբազան իրավունքն է։
Գնացե’ք ինչ ուզում եք արեք, բայց պետական գաղտնիք իմանալու իրավունքից ո՞նց կարող եք զրկել պատգամավորին»,- նշեց Ռուստամյանը։
Մանրամասները՝ տեսանյութում։
