08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Պետերբուրգի օդանավակայանը վերսկսել է աշխատանքը «չբացահայտված օբյեկտի» պատճառով փակվելուց հետո
Քաղաքականություն
28.02.2023 | 16:24
Սանկտ Պետերբուրգի «Պուլկովո» օդանավակայանը երեքշաբթի առավոտյան ավելի քան մեկ ժամ չվերթներ չի ընդունել և չի ուղարկել, գրում է BBC-ի ռուսական ծառայությունը:
Քաղաքային իշխանությունները հայտնել են, որ «Պուլկովո»-ի չվերթները հետաձգվել են մինչև Մոսկվայի ժամանակով ժամը 12:00-ը, սակայն օդանավակայանն ու դրա ծառայություններն աշխատել են բնականոն հունով: Հետաձգման պատճառների մասին պաշտոնական տեղեկատվություն դեռ չի ստացվել։
Թռիչքների հետագծման Flightradar ծառայությունը նույնպես առավոտյան ցույց է տվել, որ Սանկտ Պետերբուրգի երկնքում քաղաքացիական ինքնաթիռներ չկան։
Պետերբուրգյան Fontanka հրատարակությունը գրում է, որ ՌԴ ՊՆ-ն սեփական տեղեկատվական ուղիներով «Պուլկովո» ծառայությանը տեղեկացրել է, որ Սանկտ Պետերբուրգից 160–200 կմ հեռավորության վրա օդային տարածքում անհայտ օբյեկտ է հայտնաբերվել։
Մոսկվայի ժամանակով մոտավորապես ժամը 12:00-ին ռուսական լրատվական գործակալությունները հայտնել են, որ Սանկտ Պետերբուրգի օդային տարածքում թռիչքների սահմանափակումը չեղարկվել է։
Անցած գիշեր Ռուսաստանի մի քանի շրջաններ նույնպես ահազանգեր են ստացել անօդաչու թռչող սարքերի հարձակումների մասին։
Տաթև Ֆռանգյան
