16.08.2026 | 13:09
Ուկրաինան անօդաչուներով զանգվածային հարված է հասցրել Մոսկվային և Մոսկվայի մարզին
Երևանի օդանավակայանում ձերբակալվել է Ռուսաստանում հակապատերազմական գրությունների համար մեղադրվող ՌԴ քաղաքացի
Քաղաքականություն
28.02.2023 | 16:34
Երևանի օդանավակայանում ձերբակալվել է Ռուսաստանից քաղաքական էմիգրանտ Նիկիտա Կամենսկին. Ռուսաստանում նա հետախուզվում է Մոսկվայում հակապատերազմական գրաֆիտիի վերաբերյալ վարչական գործով, հայտնում են OVD-info-ի իրավապաշտպանները։
Նշվում է, որ Կամենսկիի կալանքը Հայաստանում առաջին նման դեպքերից է։
Նիկիտա Կամենսկիի նկատմամբ վանդալիզմի հոդվածով (Քրեական օրենսգրքի 214-րդ հոդվածի 1-ին մաս) գործը հարուցվել է 2022 թվականի հուլիսին՝ մետրոյի Տիմիրյազևսկայա կայարանի տարածքում հակապատերազմական գրությունների պատճառով։ Այնուհետև ուժայինները նրան որպես կասկածյալ հարցաքննել են, արձանագրություններ կազմել ռուսական բանակը վարկաբեկելու (Վարչական իրավախախտումների վերաբերյալ օրենսգրքի 20.3.3 հոդվածի 1-ին մաս) և մանր խուլիգանության (օրենսգրքի 20.1-րդ հոդվածի 1-ին մաս) հոդվածներով: Հաջորդ օրը նա ազատ է արձակվել, իսկ հուլիսի 12-ին խուզարկություն է իրականացվել է նրա բնակարանում։
2022 թվականի ձմռանը ՌԴ ՆԳՆ-ն Կամենսկիի նկատմամբ հետախուզում է հայտարարել։ 2023 թվականի փետրվարի 28-ին նրան բերման են ենթարկել Երևանի օդանավակայանում՝ Ստամբուլից ժամանելիս։
Տաթև Ֆռանգյան
