16.08.2026 | 15:48
Համաշխարհային օվկիանոսի ջերմաստիճանը հասել է 2026 թվականի սկբից առավելագույն արժեքին․ Լևոն Ազիզյան
ԱՄՆ Մաքսային և սահմանային պահպանության ծառայության ներկայացուցիչները եղել են հայ-ադրբեջականական սահմանի Երասխի հատվածում
Քաղաքականություն
28.02.2023 | 15:05
Անցյալ շաբաթ Հայաստանում էին ԱՄՆ Մաքսային և սահմանային պահպանության ծառայության ներկայացուցիչները՝ քննարկելու սահմանային անվտանգության հարցերում համագործակցության հնարավորությունները․ տեղեկացնում են ՀՀ-ում ԱՄՆ դեսպանությունից։
«Այս կառույցի միջազգային նախաձեռնությունները նպատակաուղղված են օրինական առևտուրն ու ուղևորությունները դյուրացնող միջազգային համաձայնագրերի իրականացմանը, ինչպես նաև այդ նպատակին ծառայող համատեղ քայլերի ձեռնարկմանը։
Հայաստան կատարած այցի ընթացքում կառույցի պաշտոնյաները հանդիպեցին Պետական եկամուտների կոմիտեի նախագահ Ռուստամ Բադասյանին, այլ պաշտոնատար անձանց, դիտարկեցին աշխատանքները «Զվարթնոց» միջազգային օդանավակայանում ու հայ-վրացական սահմանի Բագրատաշեն անցակետում և եղան հայ-ադրբեջականական սահմանի Երասխի հատվածում»,- ասված է հաղորդագրությունում։
