19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Լավրովն ու Բայրամովը դժգոհություն են հայտնել Հայաստանում ԵՄ առաքելության տեղակայման առնչությամբ
Քաղաքականություն
28.02.2023 | 15:35
Բաքվում անցկացված համատեղ ասուլիսում Սերգեյ Լավրովն ու Ջեյհուն Բայրամովը չեն շրջանցել Հայաստանում տեղակայված ԵՄ դիտորդական առաքելության թեման՝ իրենց դժգոհությունները հայտնելով այդ կապակցությամբ։
«Տեսնում ենք, որ ԵՄ-ն չարաշահում է իր հարաբերությունները Հայաստանի ու Ադրբեջանի հետ, այդ թվում՝ լեգիմիտության առումով կասկածելի իր առաքելությունն առաջ մղելով Հայաստանի տարածքում։ Այն բազմաթիվ հարցեր է առաջացնում գործառույթի, մանդատի, ժամկետի առումով։ Սակայն սա կողմերի սուվերեն ընտրություն է»,- ասել է ՌԴ ԱԳ նախարարը։
Ադրբեջանցի պաշտոնյան իր հերթին նշել է, որ, իբր, ԵՄ դիտորդական առաքելության տեղակայումից հետո Հայաստանն ապակառուցողական վարք է դրսևորում։
«Մենք տեսնում ենք, որ առաքելության մեկնարկից հետո Հայաստանի դիրքորոշումը բանակցային գործընթացի բոլոր ուղղություններով դարձել է ավելի ապակառուցողական»,- ասել է Ջեյհուն Բայրամովը։
Ըստ Ադրբեջանի ԱԳ նախարարի՝ Հայաստանում ԵՄ երկարաժամկետ առաքելության ստեղծումը, իբր, տեղի է ունեցել գործընթացների ու պայմանավորվածությունների խախտմամբ, որոնք ձեռք էին բերվել նախորդ տարի հոկտեմբերին։ Բայրամովը հավելել է նաև, որ Բաքուն ուշադրությամբ հետևելու է ԵՄ առաքելության գործունեությանը։
Էմմա Չոբանյան
