16.08.2026 | 20:10
Ուկրաինան սկսել է բրիտանական անօդաչուներ օգտագործել Ռուսաստանի խորքում գտնվող թիրախներին հարվածելու համար․ The Sunday Times
ԱՄՆ-ը կոչ է արել ԵԱՀԿ-ի հանդիպումներն անցկացնել այն երկրներում, որոնք պատրաստ են արգելափակել ՌԴ-ի մասնակցությունը
Քաղաքականություն
28.02.2023 | 18:33
ԵԱՀԿ Խորհրդարանական վեհաժողովում ամերիկյան պատվիրակությունը կոչ է արել վեհաժողովին հանդիպումներն անցկացնել այն երկրներում, որոնք պատրաստ են արգելափակել դրանց Ռուսաստանի մասնակցությունը, գրում է VOA-ն։
Պատվիրակությունը նաև խոստացել է անպատասխան չթողնել Ռուսաստանի «տհաճ քարոզչությունը» ԵԱՀԿ-ում և այլ միջազգային հարթակներում։
«Աշխարհը պետք է Ռուսաստանին պատասխանատվության ենթարկի իր ագրեսիայի և ռազմական հանցագործությունների, մարդկության դեմ հանցագործությունների և ցեղասպանության գործողությունների համար, որոնք նա իրականացնում է Ուկրաինայի ժողովրդի դեմ»,- ասվում է պատվիրակության հայտարարության մեջ:
Դրանում ամերիկյան կողմը նաև խոստանում է «կայուն և անսասան» աջակցություն Ուկրաինային:
Ավելի վաղ ԵԱՀԿ Խորհրդարանական վեհաժողովը երկօրյա հանդիպում էր անցկացրել Վիեննայում՝ Ուկրաինայում ռուսական պատերազմի սուր քննադատության և ուկրաինական պատվիրակության բոյկոտի ֆոնին։ Բանն այն է, որ Ավստրիան վիզա էր տրամադրել ռուս մի քանի պատվիրակների, որպեսզի նրանք կարողանային մասնակցել հանդիպմանը։
Տաթև Ֆռանգյան
