20.02.2026 | 10:50
Բաքուն հերքում է Թրամփին. Ադրբեջանը չի մասնակցի Գազայի համար 7 միլիարդ դոլարի ֆինանսական նախագծին
Միրզոյանը Լաչինի հարցով խոսել է ԿԽՄԿ ղեկավարի հետ. Մեծ յոթնյակը` Կիևին օգնելու մասին. Լուրեր
27.02.2023 | 20:05
- Ժնևում Հայաստանի ԱԳ նախարար Արարատ Միրզոյանը հանդիպել է Իրանի ԱԳ նախարար Հոսեյն Ամիր Աբդոլլահիանի հետ: Կարևորվել է համատեղ ջանքերի ներդրումը փոխադարձ հետաքրքրություն ներկայացնող՝ ներառյալ էներգետիկայի, տրանսպորտի և ենթակառուցվածքների ոլորտներում համագործակցության հետագա զարգացման ուղղությամբ: Միրզոյանը ներկայացրել Է նաև Հայաստան-Ադրբեջան հարաբերությունների կարգավորման գործընթացի շուրջ վերջին զարգացումները:
- Միրզոյանը հանդիպում է ունեցել նաև Կարմիր խաչի միջազգային կոմիտեի (ԿԽՄԿ) նախագահ Միրյանա Սպոլյարիչ Էգերի հետ։ կողմերը քննարկել են Լաչինի միջանցքի արգելափակման հետևանքով Լեռնային Ղարաբաղում ստեղծված հումանիտար իրավիճակի մանրամասները։ Միրզոյանն անդրադարձել է ԿԽՄԿ ակտիվ ներգրավվածության անհրաժեշտությանը՝ ուղղված Լեռնային Ղարաբաղում առկա հումանիտար մարտահրավերների հասցեագրմանը:
- Մեծ յոթնյակի (G7) երկրները հայտարարել են Կիևին դիվանագիտական, ֆինանսական և ռազմական աջակցությունն ուժեղացնելու իրենց հանձնառության մասին: փաստաթղթում ընդգծվում է, որ «Ռուսաստանի անպատասխանատու միջուկային հռետորաբանությունն անընդունելի է», և քիմիական, կենսաբանական, ճառագայթային կամ միջուկային զենքի ցանկացած օգտագործում «լուրջ հետևանքներ կունենա»։
Այս ժամի լուրերը՝ տեսանյութում։
