11.01.2025 | 22:52
Վարչապետը առաջնահերթ է համարում խաղաղության գործընթացը, թվայնացումը և կոռուպցիայի դեմ պայքարը. ՏԵՍԱՆՅՈՒԹ
Լավրովը Բաքվում Լաչինի բացման հարցը կքննարկի․ Հաագայի դատարանի վճիռը նաև ՌԴ-ի դեմ է․ Էմիլ Օրդուխանյան․ ՏԵՍԱՆՅՈՒԹ
Քաղաքականություն
27.02.2023 | 21:32
«ՄԱԿ-ի Արդարադատության միջազգային դատարանի որոշումն Ադրբեջանը չի կարող երկար չկատարել»,- Factor TV-ին տված հարցազրույցում ասում է քաղաքագետ Էմիլ Օրդուխանյանը։ Հաագայի դատարանը, մասնավորապես, պարտավորեցրել է Ադրբեջանին բացել Լաչինի միջանցքը։
Քաղաքագետը պնդում է, որ Արցախի խնդիրն այսպիսով կրկին միջազգայնացվել է, ինչը հայկական կողմի օգտին է։
«Լաչինի միջանցքում երկու սուբյեկտ են գտնվում՝ ռուս խաղաղապահները և ադրբեջանցի պսևդո-բնապահպանները։ Հետևաբար, ստացվում է, որ դատարանի վճիռն ինչ-որ չափով նաև վերաբերվում է ՌԴ-ին, քանի որ ինքն է ստանձնել պատասխանատվություն՝ վերահսկելու Լաչինի միջանցքը։ Այս վճիռը փաստացի նաև ՌԴ-ին է աղերսվում։ Հավանաբար, միջանցքը բացելու հարցն Ադրբեջանը և Ռուսաստանը պետք է իրար հետ քննարկեն։ Սրանով է նաև պայմանավորված Լավրովի այցը Բաքու»,- ասաց Էմիլ Օրդուխանյանը։
Նշենք, որ փետրվարի 22-ին լրացավ նաև Վլադիմիր Պուտինի և Իլհամ Ալիևի՝ մեկ տարի առաջ ստորագրված դաշնակցային հարաբերությունների մասին հռչակագիրը։
Հարցազրույցն ամբողջությամբ՝ տեսանյութում։
Ռոբերտ Անանյան
