14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Գյումրիի փոխքաղաքապետ կնշանակվի վարչապետի տիկնոջ ազգակա՞նը
Քաղաքականություն
27.02.2023 | 18:45
Գյումրիի ավագանու ՔՊ-ական անդամ, մասնագիտությամբ ատամնաբույժ Վահագն Մկրտչյանն, ամենայն հավանականությամբ, կնշանակվի փոխքաղաքապետ։ Դավիթ Առուշանյանի պատգամավոր դառնալուց հետո արդեն 5 ամիս է՝ Գյումրու երկրորդ փոխքաղաքապետի պաշտոնը թափուր է մնում։ Տևական ժամանակ է՝ ՔՊ-ն թեկնածու էր փնտրում այդ պաշտոնի համար։ «Քաղաքացիական պայմանագիր» կուսակցությունից հաստատեցին տեղեկությունը, որ կանգ են առել հենց Վահագն Մկրտչյանի թեկնածության վրա։ Մկրտչյանը վարչապետ Փաշինյանի տիկնոջ՝ Աննա Հակոբյանի ազգականն է։ Նրա թեկնածությունը կհաստատվի ավագանու համաձայնությունը ստանալուց հետո։
«ՏԻՄ մասին» օրենքի 57-րդ հոդվածի 3-րդ մասը սահմանում է․ «Համայնքի ղեկավարի տեղակալներին համայնքի ղեկավարի ներկայացմամբ նշանակում է ավագանին` ընդհանուր թվի ձայների մեծամասնությամբ: Համայնքի ղեկավարի տեղակալի թեկնածությունը ավագանու կողմից երկու անգամ չհաստատվելու դեպքում վերջինս նշանակվում է համայնքի ղեկավարի կողմից»:
Արմիկ Մովսիսյան
