05.11.2024 | 15:28
Ընտրություններին միջամտելը մնում է ՌԴ-ի նպատակը. ԱՄՆ հատուկ ծառայություններ
ՄԱԳԱՏԷ-ի ղեկավարը կայցելի Թեհրան
Քաղաքականություն
27.02.2023 | 18:36
Ատոմային էներգիայի միջազգային գործակալության (ՄԱԳԱՏԷ) գլխավոր տնօրեն Ռաֆայել Գրոսսին առաջիկայում կայցելի Իրան։ Այս մասին երկուշաբթի հայտարարել է Իրանի ատոմային էներգիայի կազմակերպության պաշտոնական ներկայացուցիչ Բեհրուզ Քամալվանդին։
«Ատոմային էներգիայի կազմակերպության [Իրանի] ղեկավարի պաշտոնական հրավերով ՄԱԳԱՏԷ-ի գլխավոր տնօրենն առաջիկա օրերին կայցելի Իրան»,- Քամալվանդիի խոսքերն է մեջբերում Tasnim-ը։
Քամալվանդին ասել է նաև, որ անցյալ շաբաթ ՄԱԳԱՏԷ-ի ստուգումների ժամանակ կողմերն արդյունավետ բանակցություններ են վարել։
2022 թվականի դեկտեմբերի վերջին Politico պարբերականը, հղում անելով եվրոպացի բարձրաստիճան դիվանագետների, հայտնել էր, որ Գրոսսին կարող է այս տարվա հունվարին այցելել Թեհրան՝ քննարկելու Իրանի միջուկային ծրագրի շուրջ ստեղծված իրավիճակը:
Տաթև Ֆռանգյան
