08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Եգիպտոսի ԱԳ նախարարը Թուրքիա և Սիրիա է մեկնում 10 տարվա ընթացքում առաջին անգամ
Քաղաքականություն
27.02.2023 | 17:48
Եգիպտոսի ԱԳ նախարար Սամեհ Շուքրին այսօր մեկում է Թուրքիա և Սիրիա։ Այս մասին հայտնում է Agence France-Presse-ը, որին վկայակոչում է Turkish Minute-ը։
Ըստ ԱԳՆ հայտարարության՝ այցը նպատակ ունի «համերաշխություն ցույց տալ երկու երկրների և նրանց եղբայր ժողովուրդների հետ» այս ամսվա սկզբին Սիրիային և Թուրքիային պատուհասած ավերիչ երկրաշարժից հետո։ Շուքրիի այցը միջազգայնորեն մեկուսացված սիրիական կառավարությանն արաբական օգնության ամենավերջին օրինակն է:
Փետրվարի 7-ին Եգիպտոսի նախագահ Աբդել Ֆաթահ աս-Սիսին զանգահարել էր իր սիրիացի գործընկեր Բաշար ալ-Ասադին․ սա երկու առաջնորդների առաջին պաշտոնական զրույցն էր։ Շուքրին իր հերթին զրուցել է սիրիացի գործընկերոջ հետ։
Նույն օրը Սիսին զրուցել էր Թուրքիայի նախագահ Ռեջեփ Թայիփ Էրդողանի հետ՝ վերջին մերձեցման պայմաններում նրանց առաջին դիվանագիտական շփումներից մեկը։
Հավելենք, որ փետրվարի 6-ին Թուրքիայում և Սիրիայում տեղի ունեցած ավերիչ երկրաշարժերի հետևանքով զոհերի թիվը գերազանցում է 46,000-ը։
Էմմա Չոբանյան
