09.09.2026 | 15:33
ՊԵԿ-ը ստուգել է Նարեկ Նալբանդյանի բիզնեսները․ ՏԵՍԱՆՅՈւԹ
ԱԱԾ տնօրենն ու տեղակալներն ատեստավորում չեն անցնի. Անդրանիկ Սիմոնյան․ ՏԵՍԱՆՅՈՒԹ
Քաղաքականություն
27.02.2023 | 12:38
ԱԱԾ տնօրենի տեղակալ Անդրանիկ Սիմոնյանն այսօր ԱԺ-ում լրագրողների հետ զրույցում Factor.am-ի լրագրողի հարցին ի պատասխան՝ հայտրարեց, որ ԱԱԾ տնօրենն ու տեղակալներն ատեստավորում չեն անցնի։
«Ներկայացված նախագծով, բացառությամբ ԱԱԾ տնօրենի և նրա տեղակալների, բոլոր ծառայողները ատեստավորում կանցնեն»,- նշեց Սիմոնյանը։
Անդրադառնալով հարցին, թե ինչու է արտոնություն տրվում ԱԱԾ տնօրենին և նրա տեղակալներին, Սիմոնյանը չպատասխանեց՝ ասելով․ «Ես հարցազրույց չեմ տալիս»։
Նշենք, որ ըստ առաջարկվող նախագծի, ԱԱԾ ծառայողների առաջին ատեստավորումն անցկացվելու է կամավորության սկզբունքով, այնուհետև այն կլինի պարտադիր` յուրաքանչյուր 3 տարին մեկ անգամ։ Ընդ որում` ատեստավորման բացասական արդյունքի դեպքում կրկին ատեստավորում անցնելու համար ծառայողը 1 տարվա ընթացքում 2 անգամ դիմելու հնարավորություն կունենա։ Ատեստավորում չանցած ծառայողները կզրկվեն հավելավճարից և կազատվեն զբաղեցրած պաշտոններից ու կանցնեն կադրերի ռեզերվ մինչև 2 ամիս ժամկետով: Այդ ընթացքում նրանց կառաջարկվի նախկինում զբաղեցրած պաշտոնից մեկ աստիճան ցածր խմբի պաշտոն։ Նոր նշանակմանը չհամաձայնելու դեպքում կադրերի տրամադրության տակ գտնվելու սահմանված ժամկետը լրանալուց հետո ծառայողը կարձակվի ծառայությունից:
Մանրամասները՝ տեսանյութում։
