10.04.2026 | 17:53
«Յուվենտուսը» նոր պայմանագիր կնքեց Լուչանո Սպալետիի հետ
Զելենսկին պատժամիջոցներ է սահմանել ռուս մի շարք մարզիկների, Եվգենի Պրիգոժինի դուստրերի և ընկերությունների դեմ
Քաղաքականություն
27.02.2023 | 12:42
Ուկրաինայի նախագահ Վլադիմիր Զելենսկին հրամանագիր է ստորագրել, որով ուժի մեջ են մտնում ռուսների դեմ պատժամիջոցներ սահմանող՝ Ազգային անվտանգության խորհրդի որոշումները, գրում է Meduza-ն։ Ուկրաինայի ղեկավարի խոսքով՝ սահմանափակումները վերաբերում են Ռուսաստանի այն քաղաքացիներին, որոնք «կապ ունեն ուկրաինացի երեխաների առևանգման հետ», ռուս մարզիկներին, որոնք աջակցում են պատերազմին, ինչպես նաև Ուկրաինայում ՌԴ-ի կողմից կռվող մասնավոր ռազմական ընկերությունների հետ առնչություն ունեցողներին։ Փաստաթղթերի համաձայն՝ պատժամիջոցները սահմանվել են 277 ֆիզիկական ու 92 իրավաբանական անձանց դեմ։
Սահմանափակումների տակ են հայտնվել մարզուհի Ելենա Իսինբաևան, լողորդ Ալեքսանդր Պոպովն,«Վագներ» զինված խմբավորման հիմնադիր Եվգենի Պրիգոժինի դուստրերը՝ Պոլինան և Վերոնիկան, բացի այդ՝ գործարարի հետ կապված ընկերությունները, մասնավորապես՝ Concord M, Concord Management and Consulting, Food Plant, Federal News Agency-ն և Wagner Center-ը։
Ուկրաինան նաև պատժամիջոցներ է սահմանել «Ժողովրդական ճակատը Ռուսաստանի հետ է», «Ռուսական Կարմիր խաչ», «Գոլսֆթրիմ» և այլ կազմակերպությունների ու շարժումների դեմ։
Էմմա Չոբանյան
