27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Առողջապահական համակարգի բարեփոխումները ներկայացվել են բժիշկներին ու ոլորտի մասնագետներին
26.02.2023 | 12:20
Առողջապահական համակարգի բարեփոխումները դեռևս նախագծային փուլում ներկայացվում են առողջապահության նախարարության խորհրդատուներին, գործող բժիշկներին ու, կարևորելով մասնագիտական տեսակետը, կետ առ կետ քննարկում նաև նրանց հետ։
ԱՆ հաղորդմամբ` երեկ մեկնարկած երկօրյա համաժողովին առողջապահության նախարարի առաջին տեղակալ Լենա Նանուշյանը, ողջունելով ԱՆ խորհրդատուներին, ևս մեկ անգամ կարևորել է առողջապահություն նախարարություն- գործող բժիշկ խորհրդատուներ անքակտելի կապը, որի արդյունքում հնարավորություն է ստեղծվում կատարել իրական ու շոշափելի բարեփոխումներ։
Երկօրյա համաժողովին քննարկվում է երկու հիմնական թեմա` «Բուժաշխատողի մասնագիտական էթիկայի կանոնները» և «Առողջապահության բնագավառի հիմնական մասնագիտությունների և նեղ մասնագիտացումների» հրամանի նախագիծը։
55 բժիշկ- խորհրդատուները, ըստ մասնագիտական ուղղությունների, ֆոկուս խմբեր են ձևավորել, տեսակետներ քննարկել նախ խմբի ներսում, հետո բուռն քննարկում է ծավալվել նաև ֆոկուս խմբերից դուրս։
Առողջապահություն նախարարության և Եվրոպայի Խորհրդի երևանյան գրասենյակի կողմից` «Եվրոպայի խորհրդի` Հայաստանի համար իրականացվող 2023-2026 թթ. գործողությունների ծրագրի» շրջանակներում կազմակերպված հանդիպումը կշարունակվի վաղը, որին կմասնակցի նաև առողջապահության նախարար Անահիտ Ավանեսյանը։
