27.06.2026 | 15:37
Փամբակ գետում մեքենա և դի են հայտնաբերվել․ փրկարարները որոնում են երկրորդ անձին
Նիկոլ Փաշինյանի թայֆայից ազատվելու հարցն առաջնային է. Վահե Գասպարյան․ ՏԵՍԱՆՅՈւԹ
Քաղաքականություն
24.02.2023 | 19:25
Ազատության հրապարակում տեղի է ունենում Ազգային-ժողովրդավարական Բևեռի հավաք-ցույցը` ի պաշտպանություն Ուկրաինայի։
«1920-ի հենց փետրվարի 24-ին Ազգերի լիգան կայացրեց իր պատմական որոշումը, որով հաստատեց Արցախի և Նախիջևանի պատկանելությունը մայր Հայաստանին։ Սա երկրորդ առիթն է, որ մենք այսօր որոշել ենք հավաքվել»,- հայտարարեց Ազգային-ժողովրդավարական բևեռի խորհրդի անդամ Վահե Գասպարյանը:
Նա նաև հավելեց, որ հանրահավաքի երրորդ առիթը Ամուլսարի գործարկման վերաբերյալ կառավարության որոշումն է։ «Թույլ չենք տալու, որ Ամուսլարը բացվի ու հայտարարեց․ Հայաստանի պագան լինելու է կանաչ երկիր»,- նշեց Գասպարյանը։
«Ուզում եմ շեշտել՝ մեկընդմիշտ պիտի հասկանանք՝ չկան առանձին բնապահպանական, գյուղատնտեսական, պաշտպանական, կրթական, մշակութային և առողջապահական հարցեր։ Չկա Ամուլսարի հարց՝ առանձին։ Կա Նիկոլ Փաշինյանի ղեկավարած թայֆայից օր առաջ հրաժարվելու հարց։ Այս հարցի շուրջ է, որ մենք բոլորս պետք է միավորվենք, քանի որ մնացած բոլոր հարցերն ածանցյալ են։ Բնապահպաններ, եկեք այստեղ, ձեր տեղն այստեղ է, քանի որ Ամուսլարի ապագան որոշվում է այստեղ՝ Նիկոլի հեռացման միջոցով»,- նշեց ԱԺԲ խորհրդի անդամը։
Հանրահավաքից հետո բողոքի ցույցի մասնակիցները ջահերով երթով կիրականացնեն դեպի ՀՀ-ում ՌԴ դեսպանատուն։
Մանրամասները՝ տեսանյութում։
