09.09.2026 | 08:46
Փաշինյանը մեկնել է Ֆրանսիա՝ մասնակցելու Միջազգային տիեզերական գագաթնաժողովին
Լուրջ ճգնաժամ է սկսվել Ուկրաինայի և Վրաստանի միջև․ Թբիլիսին զենք չի փոխանցում, Սաակաշվիլիի գործոնը կա․ Ջոնի Մելիքյան․ ՏԵՍԱՆՅՈՒԹ
Քաղաքականություն
24.02.2023 | 22:02
Factor TV-ի հարցազրույցը «Օրբելի» կենտրոնի վերլուծաբան, վրացագետ Ջոնի Մելիքյանի հետ
-Պարո՛ն Մելիքյան, Ուկրաինայում Ռուսաստանի սանձազերծած պատերազմի տարելիցն է։ Անցած մեկ տարվա իրադարձությունները վերլուծելով՝ ի՞նչ իրավիճակ ունենք հիմա՝ Ձեր կարծիքով, և ի՞նչ զարգացումներ են սպասվում։ Գարնանային լայնածավալ հակագրոհի մասին է խոսվում Ուկրաինայի կողմից։
-Այս մեկ տարվա ընթացքում մենք տեսնում ենք, որ աշխարհը փոխվել է, կա արդեն Ռուսաստան-Արևմուտք ավելի լայն կոնֆլիկտ, և տարբեր տարածաշրջաններում տեսնում ենք այս կոնֆլիկտի ազդեցությունը։ Այսօր երկու կողմից էլ խոսակցություն կա, որ որոշ ակնկալիքներ կան մոտակա շաբաթների ընթացքում, բայց փաստ է, որ իրավիճակը բավականին բարդ է, և է՛լ ավելի է լարվելու և կարող է պոտենցիալ փոխել տարբեր տարածաշրջաններում իրավիճակը։ Որպես վառ ապացույց՝ տեսնում ենք մեր տարածաշրջանի վրա ինչպես է այս կոնֆլիկտն ազդում, երբ Ադրբեջանը փորձում է իրավիճակը փոխել, թույլ չտա նոր ստատուս-քվո ձևավորվի, և փորձում է առավելագույնը ստանալ մեր հաշվին՝ Հայաստանի և Արցախի։
-Ակնհայտորեն, Ռուսաստանն Ուկրաինայից նման դիմադրություն և Արևմուտքի նման համախմբում չէր սպասում։ Արևմտյան երկրները, այդ թվում՝ ԱՄՆ-ն, օգնության նորանոր փաթեթների մասին են հայտարարում։ Ըստ Ձեզ՝ սա պատերազմում լուրջ բեկմա՞ն կբերի, թե՞ ավելի կերկարաձգի ռազմական գործողությունները։
-Ինձ թվում է՝ կերկարաձգի պատերազմը, քանի որ մենք, ի վերջո, տեսնում ենք, որ կա մի կողմից՝ Ռուսաստան, մյուս կողմից՝ ոչ միայն Ուկրաինա։ Այո՛, պատերազմում են ուկրաինացիները, բայց նրանց տալիս են հնարավորություն հավասարվել Ռուսաստանին։ Ուստի, որքան ավելի բարձրտեխնոլոգիական զենք-զինամթերք ստանա Ուկրաինան, այնքան դա Ռուսաստանին ևս ստիպելու է՝ աշխատել այդ ուղղությամբ։
Հարցազրույցն ամբողջությամբ՝ տեսանյութում։
Թամարա Հակոբյան
