26.07.2026 | 12:28
Վթարային ջրանջատում Երևանում և Արարատում
Արհմիություններին պետք է լծակներ տալ, որ ազդեն գործատուի որոշումների վրա․ Հերիքնազ Տիգրանյան․ ՏԵՍԱՆՅՈՒԹ
Քաղաքականություն
24.02.2023 | 17:43
Աշխատանքային օրենսգրքով կարգավորվում են միայն գործատու – աշխատող հարաբերությունները։ Իսկ արհմիությունների վերաբերյալ մշակվում է առանձին օրենքի նախագիծ։ Այս մասին Հայաստանի Հանրապետության աշխատանքային օրենսգրքում փոփոխություններ և լրացումներ կատարելու մասին և հարակից օրենքների նախագծերի փաթեթի վերաբերյալ խորհրդարանական լսումների ժամանակ։հայտրարեց Քաղաքացիական պայմանագիր խմբակցության պատգամավոր Հերիքնազ Տիգրանյանը։
«Մշակում ենք Արհեստակցական միությունների մասին օրենքի փոփոխությունների նախագիծ։ Չի կարող իրավական գործիք չունեցող արհմիությունը լինել ուժեղ, ինչքան էլ որ տեսանելի աշխատանք իրականացնի։
Աշխատանքային վեճի ժամանակ արհմիությունը չի կարող հանդես գալ գործատուին հավասար դիրքերից։ Աշխատողը եթե գործատուի հետ ունի վեճ, ապա արհմիությունը երրորդ անձի իրավունքով չի կարող անգամ հայց ներկայացնել դատարան։
Արհմիություններին պետք է լծակներ տանք, որպեսզի կարողանան ազդել գործատուի որոշումների վրա, այդ թվում՝ կարգպահական ուժի ենթարկելու և աշխատանքից ազատելու դեպքերում։ Արհմիության դիրքորոշումը պետք է կաշկանդող լինի գործատուի համար՝ այս կամ այն աշխատողի վերաբերյալ որոշում ընդունելիս»,- նշեց Տիգրանանը։
Մանրամասները՝ տեսանյութում։
