15.12.2024 | 10:40
Վրաստանի կողմից Բավրայի անցակետը փակ է կցորդիչով բեռնատարների համար
Լրագրողները բաց աղբյուրներով հաշվարկել են Ուկրաինայում 15,136 ռուս զինծառայողի կորուստ, որն ավելին է Աֆղանական պատերազմում կորուստների պաշտոնական թվից
Քաղաքականություն
24.02.2023 | 23:26
Ուկրաինա ռուսական ներխուժման առաջին տարում զոհվել է 15,136 ռուս զինվորական։ Այս մասին տեղեկատվությունը բաց աղբյուրների տվյալների հիման վրա հաստատել են BBC-ի ռուսական ծառայության և «Մեդիազոնա»-ի լրագրողները կամավորների իրենց թիմի հետ միասին, գրում է Meduza-ն։
Նշվում է, որ մահացածների թվում կան ավելի քան 1,200 մոբիլիզացվածներ, 1,300 բանտարկյալներ, 1,800 սպաներ, ինչպես նաև 199 բարձրաստիճան սպաներ՝ փոխգնդապետներ և գեներալներ:
Ըստ «Մեդիազոնա»-ի՝ Ուկրաինա ներխուժման տարում Ռուսաստանն ավելի շատ զինվորական է կորցրել, քան Աֆղանստանի պատերազմի ժամանակ Խորհրդային Միությունը, որտեղ, ըստ պաշտոնական գնահատականների, 15,051 մարդ է մահացել:
Լրագրողները, սակայն, նշում են, որ կորուստների իրական թիվը շատ ավելին է, քանի որ այդ տվյալները հաշվի են առնում միայն այն դեպքերը, որոնք հաստատվել են հրապարակավ:
Ռուսաստանի Պաշտպանության նախարարությունը պատերազմի ժամանակ երեք անգամ է հաղորդել իր կորուստների մասին, վերջին անգամ՝ 2022-ի սեպտեմբերին։ Այդ ժամանակ ռուսական կողմը նշում էր, որ 5,937 ռուս զինծառայող է զոհվել։
Ուկրաինայի զինված ուժերի գլխավոր շտաբը, որն ամեն օր հաշվարկում է Ռուսաստանի կորուստները, այսօր հայտնել է, որ ռուսական կողմից ոչնչացվել է 146,820 զինվորական։
Էմմա Չոբանյան
