27.06.2026 | 11:13
84 տարեկանում մահացել է երգչուհի Ռաիսա Մկրտչյանը
Թուրքիայի ընդդիմության առաջնորդը ցավակցական նամակ է հղել Սիրիայի նախագահին
Քաղաքականություն
24.02.2023 | 16:33
Թուրքիայի գլխավոր ընդդիմադիր Ժողովրդահանրապետական կուսակցության ղեկավար Քեմալ Քըլըչդարօղլուն ցավակցական նամակ է հղել երկրաշարժից տուժած Սիրիայի նախագահ Բաշար Ասադին, գրում է Gercek News-ը։
«Այս աղետը և մեր ապրած ցավը ևս մեկ անգամ ցույց են տալիս, մենք մեր վշտի գործընկերներն ու հարևաններն ենք, կիսում ենք մեր ժողովուրդների ընդհանուր ցավը։ Ուստի, օգտվելով առիթից, ցավակցում եմ Ձեզ և ձեր ժողովրդին ու հույս հայտնում, որ մենք ոչ թե կկիսենք մեր վիշտը, այլ մեր հույսերն ապագայում»,- ասվում է նամակում։
Թուրքական հիմնական ընդդիմության և Ասադի միջև կանոնավոր շփում չկա, սակայն Քըլըչդարօղլուն Էրդողանին կոչ է արել «կռիվ չանել» Սիրիայի հետ, իսկ CHP-ի պաշտոնյաները կոչ են արել կառավարությանը՝ երկխոսություն սկսել Դամասկոսի հետ:
Ավելի քան մեկ տասնամյակ Ասադի դեմ պայքարող սիրիական ընդդիմությանը ռազմական և քաղաքական աջակցություն ցուցաբերելուց և հյուսիսային Սիրիայի տարածքներ թուրքական զորքեր ուղարկելուց հետո Էրդողանը հունվարի սկզբին հայտնել էր, որ կարող է հանդիպել Սիրիայի նախագահի հետ:
Էմմա Չոբանյան
