11.12.2024 | 18:32
Մխիթար Հայրապետյանը ուղղորդե՞լ է Հակոբ Ասլանյանին «մեղայականով» հանդես գալ․ պատգամավորն ուշագրավ սքրինշոթեր է հրապարակել
Մյունխենում Բլինքենը բարձրաձայնել է Լաչինի միջանցքով ազատ տեղաշարժի ապահովման անհրաժեշտության հարցը․ Նեդ Փրայս
Քաղաքականություն
24.02.2023 | 12:51
ԱՄՆ Պետքարտուղարության մամուլի խոսնակ Նեդ Փրայսը ճեպազրույցում անդրադարձել է Ադրբեջանի կողմից Լաչինի միջանցքի փակմանը, դրան վերջ դնելու ջանքերին, ինչպես նաև Լեռնային Ղարաբաղին ամերիկյան հնարավոր հումանիտար օգնության տրամադրմանը։
«Մենք մեր խոսքով և մեր գործով հասկացրել ենք, որ պատրաստ ենք և կարող ենք օգնել կողմերին՝ Հայաստանին և Ադրբեջանին, ամեն կերպ առաջընթաց գրանցել շատ դժվար հարցերում: Մենք դա արել ենք երկկողմանի, մենք դա արել ենք եռակողմ, այդ թվում, երբ պետքարտուղար Բլինքենը Մյունխենում հանդիպել է իր հայ և ադրբեջանցի գործընկերների հետ: Մենք աշխատում ենք մեր գործընկերների հետ ու նրանց միջոցով։ Մենք աջակցում ենք ԵՄ գործընթացին, և ես պետք է նշեմ, որ ԵՄ նախագահ Շառլ Միշելի կողմից առաջարկ կա՝ հյուրընկալել կողմերին Բրյուսելում։ Դա հնարավորություն է, եթե նրանք ընդունեն, նստեն սեղանի շուրջ՝ շարունակելու այն առաջընթացը, որը մենք տեսել ենք վերջին շաբաթների ընթացքում»,- ասել է Փրայսը։
Ինչ վերաբերում է Լաչինի միջանցքին, ըստ Փրայսի՝ ԱՄՆ պետքարտուղարն այդ մասին բարձրաձայնել է անցյալ շաբաթավերջին Մյունխենում վարչապետի և նախագահի հետ իր հանդիպման ժամանակ:
«Նա ընդգծել է ազատ ու բաց առևտրային և մասնավոր տարանցման անհրաժեշտությունը։ Նա նաև կոչ է արել կողմերին՝ բացել այլ տրանսպորտային ուղիները։ Մենք կարծում ենք, որ առաջին հերթին կողմերի վրա է դրված ապրանքների ազատ հոսքի այս խոչընդոտները լուծելու խնդիրը, այդ թվում՝ հումանիտար աջակցությունը մարդկանց, որոնք կարիքն ունեն այդ միջանցքի, և մենք մեր դիվանագիտությունը կկենտրոնացնենք փորձի վրա, որպեսզի օգնենք հասնել դրան»,- ասել է Պետքարտուղարության խոսնակը։
Էմմա Չոբանյան
