25.06.2026 | 07:04
ԱԱ-2026. Մեքսիկան դարձյալ հաղթեց, ՀԱՀ-ը դուրս եկավ փլեյ-օֆֆ. ՏԵՍԱՆՅՈՒԹ
Փհենյանը հայտարարել է, որ պատերազմի հայտարարում կընկալի ԱՄՆ-ի կողմից Կորեական թերակղզում «թշնամական գործողությունների շարունակումը»
Քաղաքականություն
24.02.2023 | 17:16
Հյուսիսային Կորեայի դեմ ԱՄՆ-ի «թշնամական գործողությունների շարունակությունը», ներառյալ՝ զորավարժությունները և ռազմավարական զենքի տեղակայումը Կորեական թերակղզում, կարող են ընկալվել որպես Հյուսիսային Կորեային պատերազմի հայտարարություն։ Այս մասին ասել է ԿԺԴՀ ԱԳ նախարարության ԱՄՆ-ի հարցերով դեպարտամենտի ղեկավար Կվոն Չժոն Գին, գրում է ՌԻԱ Նովոստին:
Ավելի վաղ Ճապոնիան խնդրել էր ՄԱԿ-ի Անվտանգության խորհրդի արտահերթ նիստ հրավիրել՝ կապված Հյուսիսային Կորեայի կողմից փետրվարի 18-ին և 20-ին հրթիռների արձակման հետ: Հանդիպումը կայացել է երկուշաբթի։
Դիվանագետն ասել է, որ ԿԺԴՀ-ն վրդովեցուցիչ է համարում ՄԱԿ-ի Անվտանգության խորհրդում «ինքնիշխան պետության ինքնապաշտպանության օրինական իրավունքի» քննարկման փաստը, կտրականապես դատապարտում է նիստի գումարումը։
Նա նշել է, որ ԱՄՆ-ը և Հարավային Կորեան Պենտագոնում վարժանքներ են անցկացրել ընդլայնված զսպման կիրառման վերաբերյալ, ինչը, ըստ էության, «միջուկային պատերազմի փորձ է ԿԺԴՀ-ի դեմ», նրանք այցելություններ են կազմակերպում ԱՄՆ միջուկային սուզանավերի բազա և ներգրավում են ռազմավարական զենքեր Կորեական թերակղզում զորավարժություններին։
Կվոն Չեն Գյունը դա անվանել է «աններելի մարտահրավեր»՝ նշելով, որ Վաշինգտոնն անտեսում է Փհենյանի դիրքորոշումը, միակողմանիորեն ամրապնդում է իր ռազմական դաշինքը, սակայն մերժում է Հյուսիսային Կորեայի ինքնապաշտպանության իրավունքը։
Տաթև Ֆռանգյան
