14.12.2025 | 14:02
Մառախուղ, քամու ուժգնացում․ օդի ջերմաստիճանը կնվազի
«Ցավի, ափսոսանքի, հավատի և միասնության տարի». Զելենսկին պատերազմի տարելիցի կապակցությամբ դիմել է ուկրաինացիներին
Քաղաքականություն
24.02.2023 | 12:30
Ուկրաինայի նախագահ Վլադիմիր Զելենսկին պատերազմի առաջին տարելիցի օրը դիմել է ուկրաինացիներին։ Նա երկու գրառում է հրապարակել, որոնցից մեկին կցել է տեսանյութ՝ դրամատիկ կադրերով, իսկ երկրորդում՝ ժողովրդին ուղղված ուղերձ։
«Փետրվարի 24-ին մեզանից միլիոններն ընտրություն կատարեցին․ ոչ թե սպիտակ դրոշ, այլ կապույտ ու դեղին։ Ոչ թե փախուստ, այլ՝ հանդիպում։ Թշնամու դիմավորում։ Դիմադրություն ու պայքար։ Ցավի, ափսոսանքի, հավատի և միասնության տարի էր։ Եվ սա մեր անխորտակելիության տարին է։ Գիտենք, որ սա լինելու է մեր հաղթանակի տարին»,- ասված է ուղերձում։
«Մենք ողջ մնացինք: Մենք պարտություն չենք կրել: Եվ ամեն ինչ կանենք՝ այս տարի հաղթելու համար։ Պատերազմը փոխեց շատ ընտանիքների ճակատագրեր, փոխեց սովորույթներն ու ավանդույթները»,- հավելել է Զելենսկին տեսաուղերձում:
Նա դիմել է նաև օկուպացված տարածքներում գտնվող քաղաքացիներին. «Ուկրաինան ձեզ չի լքել, չի մոռացել, չի հրաժարվել ձեզանից։ Այսպես թե այնպես մենք կազատագրենք մեր բոլոր հողերը։ Ամեն ինչ կանենք, որ Ուկրաինան վերադառնա։ Իսկ բոլոր նրանք, ովքեր ստիպված են գտնվել արտերկրում, ամեն ինչ կանենք, որպեսզի վերադառնաք Ուկրաինա, որպեսզի դա հնարավոր դառնա»։
«Ուկրաինան զարմացրեց աշխարհին, Ուկրաինան ոգեշնչեց աշխարհին, Ուկրաինան միավորեց աշխարհը։ Որպես ապացույց՝ հազարավոր բառեր կարելի է ասել, սակայն մի քանիսն էլ բավական է՝ HIMARS, Patriot, Abrams, IRIS-T, Challenger, NASAMS, Leopard»,- հավելել է Ուկրաինայի նախագահը:
On February 24, millions of us made a choice. Not a white flag, but the blue and yellow one. Not fleeing, but facing. Resisting & fighting.
It was a year of pain, sorrow, faith, and unity. And this year, we remained invincible. We know that 2023 will be the year of our victory! pic.twitter.com/oInWvssjOI— Володимир Зеленський (@ZelenskyyUa) February 24, 2023
Տաթև Ֆռանգյան
